sfantâ
sfan|tâ
[AF]
-
v.tr.
(ancje fig.)
fâ sparî un pôc a la volte, sedi alc di materiâl che imateriâl:
gjoldi come par un soreli che al sfante i nûi (Maria Forte, Cjase di Dalban);
"I vuei ben! i vuei un ben di vite!…" e diseve a fuart cu lis peraulis par sfantâ la pôre di pensâ mâl di lui (Dino Virgili, La aghe da pît la cleve);
e je une robe di dîle cence nissune pôre, ancje par sfantâ ciertis cjacaris che a corin ator ancje pal Friûl (Francesc Placerean, La Glesie e à di lassâ i popui come che a son e fâur di levan seont la lôr paste)
Sin. disfâ
, dissipâ
, dissolvi
, parâ vie
, slontanâ
, netâ vie
, socâ vie
, socâ
, disfantâ