Dizionari de Lenghe Furlane

dissipâ  di|ssi|pâ  [AF]

1. v.tr. fâ sparî:  [il mestri] par dissipâ chê sensazion di pôre e di muart che la peraule bataie e procure, nus faseve intonâ il «T'amo, o pio bove» che ducj o savevin a memorie (Alan Brusini, Come tai romançs)
   Sin. sfantâ
   
   1. [TS] fis., tecn., sient. riferît ae energjie, dispierdile o produsi une sô trasformazion che e fâs in maniere che no vegni doprade
2. v.tr. fâ un dam, fâ che un valôr o alc di bon si vuasti o al ledi pierdût:  [i soldâts venezians] no fasevin altri che dissipâ i vignâi sù pai roncs e i forments jù pe plagne (Dino Virgili, La aghe da pît la cleve); ti racomandi di no fevelâ tant, tu sâs, cualchi volte lis malis lenghis a podin dissipâ dut (Pieri Somede dai Marcs, A la oselade)
   Sin. vuastâ , ruvinâ , sassinâ , massacrâ , magagnâ
   
   1. doprâ mâl:  i fîs di Vissens a vevin cjapât sù dal pari il cjâf sjemplât e da la mari chê mans fati come sgrifi: la roba a la dissiparin un toc a la volta (Novella Cantarutti, I cunfins); o ai dissipade la plui biele zornade de vite (Alan Brusini, Il svindic di Rosute)
      Sin. straçâ , butâ vie , stranfâ , spaçâ , mangjâ , mangjâ sù

Proverbis:

• il masse e il masse pôc a dissipin ogni mistîr
• ogni plui piçule magle e dissipe un tapêt
• trops cogos a dissipin il gustâ