scuindisi  /-ìn-/  scuin|di|si  [AF]

  1. v.pron.intr. (ancje fig.) metisi intun puest, intune posizion o intune cundizion che a permetin di no jessi viodût, scuviert, cjatât e v.i.:  lis nestris striis spauridis e fuin a scuindisi daûr i grebanos dal Cuc, o sul Cjaul, o in jenfre lis palis secjis de Serenate (Catarine Percude, Lis striis di Gjermanie)
    Sin. platâsi , taponâsi , parâsi , celâsi
    Var. nascuindisi
    Cfr. imbusâsi , intanâsi , inniâsi
    1. v.pron.tr. fâ che une part di se stes, alc che si à intor o sim. nol puedi jessi viodût:  si scuint la muse cu lis mans (Pieri Piçul, Vieri e gnûf)
  2. v.pron.intr. fâ fente di no jessi intune cierte situazion, cundizion, di no vê une cierte responsabilitât e v.i.:  i grups dirigjents no mostrin reativitât e a somein jessisi scuindûts (Serena Fogolini, La salût dal Friûl e passe pe sô tierce ricostruzion)
    Sin. platâsi , parâsi
    1. v.pron.tr. fâ fente che alc nol sedi, tignîlu platât a se stes o cun reciprocitât:  mi pâr che fra morôs si à ancje bisugne di scuindisi un pôc i difiets (Bruno Paolo Pellarini, L'anel striât)
  3. v.pron.intr. metisi intune posizion o cundizion protete:  "Oh! mame mê, no stâ dâmi" (e va a scuindisi daûr la poltrone) (Pieri Somede dai Marcs, La buteghe dal barbîr)
    Sin. platâsi , parâsi
  4. v.pron.intr. ancje di alc di inanimât o ancje cence volontât, jessi o lâ dentri di alc, daûr di alc o intun ciert puest o posizion o cundizion, in mût di no jessi viodût, scuviert, cjatât e v.i. cun facilitât:  "Dulà ise lade a scuindisi chê macete di cordeline blancje? Le âstu vidude, tu, Irme?" (Ercole Carletti, Mariute); lassâ cjase, partî sence voltâsi indaûr a cjalâle, parcè che al dûl masse a viodile che si scuint di là dal bosc, di là dal cuel (Dino Virgili, La aghe da pît la cleve)
    Sin. platâsi , taponâsi , parâsi , celâsi
    Cfr. imbusâsi
    1. dal soreli o di un altri astri o sim., finî daûr di alc che nol permet di viodilu:  il soreli, a bonât, al jere deventât une grande bale narancine che e coreve a scuindisi daûr la muraie di piere (Franca Mainardis, Grivôr)
      Sin. discomparî , sparî , lâ jù , lâ sot , lâ daûr , platâsi
  5. v.pron.intr. (fig.) jessi presint sot di une aparence divierse:  ma, savêso ce che si scuint daûr di chestis ideis di libertât? Si scuint la trascurance, la pocje voie di pierdi timp cu la prole (Josef Marchet, Lis predicjis dal muini)
    Sin. platâsi , taponâsi , parâsi , celâsi