Dizionari de Lenghe Furlane

scridelît  scri|de|lît  [AF]

1. p.pass., adi. viôt scridelî viôt scridelîsi
2. adi. soredut di len o di alc fat di len, che par vie dal timp e dai elements naturâi si è suiât masse e al à fressuris, al piert la forme, no si comet ben, si romp:  co mi sveavi, lamis di lûs a traviersavin la stanzie pes fressuris dai scûrs scridelîts (Alan Brusini, Gian Paolo Linda, I forescj); cuatri breis che, di chi a cualchi mês, a saran bielzà dutis imberladis e scridelidis (Josef Marchet, Lis predicjis dal muini)
   Sin. crideul , scridel , scrideliç
   Cfr. imberlât , disbletât , discloteât , discantinât , disfat , sfasseât
   
   1. di plante, rose, fuee e v.i., che e à pierdût dute la umiditât:  il fueam sec e i cosui scridelîts a scrossavin cun grant rumôr (Catarine Percude, La maledizion dei luvins)
      Sin. sec , secjât , incandît
   2. di cualsisei alc, no dome di len, malmetût in gjenerâl:  a restavin in pîts dôs muracis scridelidis che a pene si intignivin (Dino Virgili, Devant di dut il cîl)
3. adi. (fig.) di cdn. o di part dal cuarp, un vore magri e malmetût, soredut par vie de etât o des strussiis:  al someave plui alt, di tant sec e scridelît che al jere (Pieri Menis, Il fi de Rosse); lis mans scridelidis a son bandonadis sui zenoi (Franco Marchetta, Madalene)
   Sin. decrepit , vidriç , carampan , strissinît , scachît , invidricît , invidrignît , ingrisignît
   
   1. di vôs, che e sune disarmoniche, rote:  la agne i bruntulave cu la sô vôs scridelide (Maria Forte, Cjase di Dalban)