imberlât
im|ber|lât
[CO]
-
p.pass., adi.
viôt imberlâ
, viôt imberlâsi
-
adi.
di materiâl, soredut di len, che nol è plui dret, che al à une forme iregolâr, arcade:
len carulât plen di polvar, imberlât (Pieri Menis, I sioperos dal muini);
[il modon] lu metevin in grice o in stelaze sul ôr de place e lu taponavin di breons imberlâts e di poiatis di scuarç, par no che si bagnàs cu la ploie di stravint (Dino Virgili, La aghe da pît la cleve);
a la bici i le piês: çoncjât di net il supuart dal manuvri, une ruede imberlade e altris malans minôrs (Laurin Zuan Nardin, Migjee)
Cfr. stuart
, pleât
, scridelît
-
adi.
(fig.)
di cdn., che al è o che al sta stuart, o che al è asimetric:
e jere piçule, un pôc imberlade, cuntune gjambe che e butave a sclavueç (Pieri Menis, La int);
De Santa al passe dut imberlât e cul cjâf bas, al viôt il sfuei par tiere, lu cjape sù (Antoni Beline, La fabriche dai predis)
-
di alc, ancje imateriâl, che nol è normâl, lineâr, dret, ecuilibrât e v.i.:
te sô cussience imberlade si stavin insedant sensazions di poure sence reson (Mario De Apollonia, Il timp par ledrôs);
al otignì cussì une regjon a statût speciâl dute imberlade al puest de Regjon Friuli a statût normâl (Gianfranco Ellero, Tessitori, un libri par cognossilu in dì di vuê)