scoltâ
scol|tâ
[FO]
-
v.tr.
stâ ben atent a ce che si sint:
o pensi che al sedi compagn par tante int ma jo… o lei libris particolârs; ma jo o scolti musiche particolâr (Checo Tam, Ombris);
e scoltave, invezit, i discors dal barbe Tite e di siôr Dalban e i pareve che il so spirt si vierzès dongje chei doi studiâts che a savevin cetantis robis (Maria Forte, Cjase di Dalban);
la siorute e vierç il barcon adalt, e da il bundì al soreli, cjantuçant, e sta un lamp a scoltâ il murmui de aghe tal flum e lis vôs dal paîs (Dino Virgili, La aghe da pît la cleve)
Sin. sintî
, stâ a sintî
-
tal imperatîf, cun valôr enfatic par riclamâ la atenzion dal interlocutôr:
" Scolte mo, Florean - i ai dit - al è vêr che tu tu lavoris, a to mût; […] ma no stâ crodi che ducj i lavôrs a sedin nets: […] a lavorin a lôr mût ancje i laris, i imbroions, i rufians […]" (Josef Marchet, Lis predicjis dal muini)
Sin. sintî
, viodi
, cjalâ
-
v.tr.
tignî cont di ce che a disin altris e ubidî o contentâ:
"[…] Scoltimi me, Nedo. Ven ancje tu" (Gianni Gregoricchio, Trê feminis);
a pi di un in cjasa a i faseva fastidi, parcè che a era maridada, a disevin, e a faseva stomi a pierdasi in mateçs. Ma la ava a na scoltava nissun (Novella Cantarutti, Li sisili da la ava);
Pauli al prea, Meni; e a no è dita che il Signour nol vedi di scoltâlu (Pier Paolo Pasolini, I Turcs tal Friûl)
Sin. acolzi
, contentâ
, dâ acet
, esaudî
, lâ daûr
, stâ daûr
, ubidî
, tignî bon
-
v.tr.
[TS]
med.
valutâ la salût dal cûr, dai polmons e di altris orghins internis sintint il lôr rumôr, spec. cul stetoscopi:
po il miedi le scolte. I poie jù la orele daûr, jù pe schene; i fâs dî «trentatrè»; po une plere tal fals dal cuel e la orele parsore (Meni Ucel, Tant parom)
Proverbis:
- cui che al scolte nol à mai tuart, cui che al fevele al po simpri falâ