scjate  scja|te  [AF]

  1. s.f. contignidôr rigjit, pal solit di carton o in câs ancje di altris materiâi:  la mari di Laurinç e tirà fûr une scjate di chês des scarpis, dute plene di fotos (Agnul di Spere, I prâts des Savodagnis); une scjate di late di chês pai biscots (Checo Tam, Sense); pôc plui innà e jere une scjate di fulminants e une mieze cjandele (Raffaele Serafini, Soreli jevât a mont)
    Sin. scjatule
    Cfr. cassele
    1. contignût o cuantitât di robe che e sta ta chel contignidôr:  tignî il so cristian plen e passût dute la setemane cun mieze scjate di fasûi (Giovanni Gortani, Un gustâ diplomatic)
  2. s.f. recipient di late, in gjenar di capacitât che e pues lâ dai pôcs decilitris a pôcs litris, par robe di mangjâ in conserve:  al lave jù a Sant Pieri a fâ spese une volte par setemane e i bastave. Pan, vin, lat, cjar in scjate e vie (Dree Venier, Là che)
    Sin. scjatule , scjatolete , late1 , bussulot
    1. contignût o cuantitât di robe che e sta inta chel contignidôr
  3. s.f. (fig., eufem., coloc.) tal pl., in espressions che no vuelin jessi volgârs e che in altris variantis a puedin vê une peraule che e indiche i testicui:  "E voaltris lait fûr des scjatis" (Sandri Di Suald, Ah! la provincie)
    Sin. scjatule , cite , cit1
    Cfr. bale , coion , tabar
Polirematichis e espressions idiomatichis