sbrendul
/-è-/
sbren|dul
[AF]
-
s.m.
toc di alc, par esempli di tiessût, di cjarte, di cjar e v.i., sbregât vie e in brutis cundizions:
gratant cu lis ongulis dai pîts il stramaç, al veve parât a sbrendui il bleon (Amedeo Giacomini, Tal ospedâl)
Sin. blec
, bocon
, sbridin
, sbridion
, toc1
, lambri1
, slambri
Cfr. peçot
-
toc o robe avonde piçule:
o pierdevi timp a lei ogni sbrendul di cjarte (Pieri Menis, La scuele dai fornasîrs);
al lampà, lizêr, daûr dal cuei dal simiteri, jenfri di chei sbrendui di nûi (Dino Virgili, La aghe da pît la cleve)
-
s.m.
(fig., spres.)
spec. tal pl., vistiari o robe di tiessût vieri e fruiât o di cualitât scarte:
al cîr la caritât il puaret, cuviert di sbrendui, daûr la voltade de strade o su la puarte de glesie (Josef Marchet, Lis predicjis dal muini);
done Cheche i veve bruntulât disint che e veve consumât masse savon a lavâi chei cuatri sbrendui (Pieri Menis, Il tesaur di done Cheche)
Sin. peçot
-
s.m.
soredut in espressions negativis, robe, o ancje persone, che no vâl nuie, che e je minime o che e mancje dal dut:
nol à mai vût timp di finî la universitât e di cjapâsi un sbrendul di lauree (Antoni Beline, La fabriche dai predis);
cunvignis, petizions, manifestazions e azions di ogni sorte no bastarin tai agns 80 a produsi l'efiet de aprovazion di un sbrendul di leç gjenerâl di tutele (Adrian Cescje, Memoriis di politiche linguistiche);
vuarès jessi un fîl plui biele / par vê un sbrendul di morôs (Tite di Sandri, Spiulant ta strece)
Sin. fregul
, fruçon
, blec
Polirematichis e espressions idiomatichis