Dizionari de Lenghe Furlane

rigorôs  ri|go|rôs  [AF]

1. adi. che al rispiete e che al pretint il rispiet de dissipline:  là di me si sfadie, une zornade di libertât no si àle, sâr Tite al è rigorôs, ma nus vûl ben a ducj cuancj, e no nus lasse mai mancjâ di nuie (Catarine Percude, La plui biele); o vin une culture fuarte dal lavôr, o sin rigorôs e o sin usâts a fadiâ (Christian Romanin, Antonella Nonino e la braùre di jessi fie dal Friûl e de tradizion, smicjant al doman)
   Sin. dûr , fer , salt² , sevêr
   
   1. di alc, che al impon in maniere sistematiche la dissipline o che al derive di une dissipline dure:  sui puescj avanzâts sot pena di un rigorosissim cjastì nissun soldât ardirà, sença vê ricevût l'ordin, a dislontanâsi del so puest (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera); no sopuartavi, invezit, il sisteme che al doprave. Dûr, rigorôs: un premi se il frut si compuartave ben; un cjastì se si compuartave mâl (Gianni Gregoricchio, Trê feminis)
2. adi. di cdn., che al puarte indevant une ativitât cun grande precision e coerence:  une lenghe simpri biele e vivarose, tant che in dute la produzion dai scritôrs de "Clape Acuilee", simpri atents e rigorôs intal lôr scrivi, come che la lenghe furlane e merete (Laurin Zuan Nardin, De "CCA" il prin libri furlan dal milenari)
   Sin. curient , precîs , meticulôs , pignûl , sientific
   
   1. di alc, fat cun grande precision e coerence:  si trate di un libri rigorôs e ben costruît, cuntune impostazion moderne e direte (Sergio Cecotti, La analisi matematiche seont i furlans); la ricercje rigorose, empiriche, fate sul teren (Donato Toffoli, Il lunari mai jessût - Tellini te prime vuere mondiâl)
      Sin. curât , precîs , esat , just , detaiât , sientific , meticulôs