ridot
/-òt/
ri|dot
[AF]
-
p.pass., adi.
viôt ridusi
, viôt ridusisi
Var. ridusût
-
adi.
che si cjate intune cierte cundizion, situazion, forme e v.i., soredut negative:
al va sù adalt, al cjape so pari, che al jere ridot nome un sac di vues, lu puarte abàs (Luigi Gortani, Il mestri sore ducj i mestris);
al è agns che i Clevis a son ridots in trê scotâts, là, e il famei (Dino Virgili, La aghe da pît la cleve);
al è ridot a sterps chel puar cjamp (Maria Forte, Cjase di Dalban)
-
adi.
che al à vût une diminuzion di dimensions, di cuantitât, di numar, di valôr e sim.:
l'om al veve di jentrâ tun altri mont di gjonde; di dirits simpri plui sofisticâts pretindûts e sodisfats; e di dovês simpri plui ridots e pussibilmentri svuincâts (Riedo Pup, Furlans: alt, no cussì!)
Cfr. sbassât
, scurtât
, taiât
, staronzât
-
di biliet, di cuote o sim., che si pues paiâ cuntun presit plui bas di chel normâl:
paiâ une alicuote ridote al 8,5 par cent (Alessio Potocco, Marcjât de cjase ancjemò tal mieç dal vât)
-
s.m.
biliet, abonament o sim. che al coste mancul dal presit normâl, par ciertis categoriis di personis:
a paiament a son dome lis proiezions des 8 e des 10.15 sot sere. In chest câs il presit al è di € 4 (pai intîrs) e € 3 (pai ridots) (Fabian Ros, Far East Film: lis peliculis di no pierdi)
-
che al à dimension, numar, valôr e v.i. piçul no rispiet a une situazion di prime, ma in gjenerâl o rispiet a ce che al coventarès:
in chest senari di vuere a son presints 10 mil 800 soldâts dal "Onu" che dut câs, par vie dal lôr numar ridot, no rivin a fâ dibot nuie (Renzo Balzan, Afriche insanganade)
Sin. piçul
, scjars
, bas
-
adi.
[TS]
mec.
di part mecaniche mobile, soredut di ruede, che e je in rapuart cun altris plui grandis:
un complicât sisteme di ingranaçs di len e di tirants di cuarde, comandâts di une manuele, cuntun volan e cuntune moltipliche tant ridote, di no fâ nissune fadie a zirâju (Riedo Pup, Siôr Celso e mister Donald)
-
adi.
[TS]
chim.
di element, che al à cuistât un o plui eletrons
