ricevi
/-é-/
ri|ce|vi
[FO]
-
v.tr.
(ancje fig.)
acetâ alc che al ven dât, mandât, concedût:
o ai ricevût une biele letare di protestis (Riedo Pup, Rispueste: cjalâ e tasê);
il marangon al veve ricevût l'ordin di mudâ la cualitât dal legnam (Roberto Ongaro, Cretevierte);
se si ricêf mâl bisugne tornà ben (Pieri Somede dai Marcs, Resurezion a Pontinie);
una nidada numerosa di creaturis, che da la pescja del pari ricevevin la misera sussistença (Federigo Comelli, Il me paîs)
Sin. acetâ
, cjoli
, cjapâ
, vê
Var. aricevi
-
v.tr.
fâ acet a cdn.:
a Einsiedeln i furlans si sintin confuartâts, cuant che a viodin che a riceviju e a saludâju a son presintis lis autoritâts di lenghe todescje, francese, grisonese e taliane (Riedo Pup, Fûr che al vegni cui che al è stât);
Udin al ricevè in trionf il Bataion Tumieç che al tornave vitoriôs, ma srarît de muart (Pieri Menis, Sul agâr)
Sin. acolzi
, cjapâ
, cjatâ
, dâ acet
, logâ
, sotetâ
-
v.tr.
vê une visite di cortesie o un colocui cun cdn. che al ven a fevelâ, spec. di argoments professionâi o formâi:
biele vile, tante robe, femenute fine e ben vistide che e sa cemût ricevi i amîs impuartants (Antescûr, Alc si è rot);
il martars la Siore e riceveve visitis (Alan Brusini, Come tai romançs);
tor dîs, cuant che al saveve che il cjapitani al riceveve tal so ufici, si presentà in caserme (Roberto Ongaro, Il muc)
-
v.tr.
[TS]
telecom.
(ancje ass.)
captâ un segnâl radioeletric, televisîf, telefonic o un flus di dâts e v.i.:
il telefon ca nol ricêf ben;
no ducj i k-bits trasmetûts a vignaran ricevûts in maniere corete e che il sisteme al presente une probabilitât di erôr (Valentino Castellani, La societât de informazion: cirint lis origjins)
Sin. cjapâ
-
v.tr.
[TS]
sport
(ancje ass.)
cjapâ la bale butade di un compagn di scuadre o di un aversari:
De Paul, che al ricêf di Pereyra e dal limit al tire in puarte cu la bale che e finìs fûr di un nuie (Marc Stolf, Udinese - Inter 0-0)
Sin. cjapâ
Polirematichis e espressions idiomatichis
Proverbis:
- al è miôr dâ che no ricevi
- al è miôr ricevilis che no fâlis
- l'insult al è di cui che lu fâs e no di cui che lu ricêf
- la asenade e je di cui che le fâs e no di cui che le ricêf
- la vilanie e je di chel che le fâs, no di chel che le ricêf