resonâ
re|so|nâ
[FO]
-
v.intr.
pensâ in maniere logjiche e ordenade:
int che e resone ancjemò cul so cjâf, che e judiche cun libertât secont une antighe, sperimentade sapience (Riedo Pup, La civiltât dal fum);
o cirivi di resonâ, di meti ordin tal gno cjâf (Alan Brusini, Gian Paolo Linda, I forescj)
Sin. pensâ
Var. rasonâ
-
indreçâ pinsîrs logjics e ordenâts par frontâ une cuistion:
al è miôr resonâ e cirî il cjaveç che no taiâ la ace cuntune fuarpade (Josef Marchet, Lis predicjis dal muini)
-
vê un pinsîr e un compuartament ecuilibrât:
a verin il so bon ce fâ a bonâle, Catine e la agne. Dibant a cirivin di fâle resonâ (Gianni Gregoricchio, Trê feminis)
-
vê cussience, jessi intun stât di cussience sveât e no alterât:
[cul cjalcjut] di un moment al altri, tu ti cjatis come che un ti scjafoiàs. […] E tu resonis, eh. No tu sês durmidide dal dut (Popolâr - Istitût di Ricercje Achil Telin, Il cjalcjut dal vinars - Friûl di Mieç)
-
v.intr.
scrutinâ une cuistion e v.i. tra plui personis, par confrontâ opinions diviersis e par rivâ a cjapâ une decision comune:
i conseîrs si dan dongje, si fevelin cence sputanâsi e cence mostrâsi i pugns, a disin la lôr opinion, a resonin, a disbratin, a risolvin (Josef Marchet, Barufis);
alore i grancj, ancjemò cui voi bas, a scomencin a rasonâ insieme. Cemût vevino di fâ cumò che nol jere plui il vecjo? (Pieri Menis, Il testament)
Sin. dibati1
, tratâ
, disputâ
, contindi
-
v.intr.
rivâ a tratâ, a vê a ce fâ cun cdn., o ancje cun alc, in maniere positive e costrutive:
cu la modernitât no si resone (Josef Marchet, Lis predicjis dal muini)
-
v.intr.
fevelâ tra plui personis:
resonâ dal plui e dal mancul;
si cresseve simpri insieme, si resonave sui fats, la int dal borc e dal paîs a bote cjalde, cence spietâ la fin de setemane, par viodisi (Vigji Glovaz, Che nus feveli Jesù bambin)
Sin. cjacarâ
, fevelâ
, tabaiâ
, conversâ
Proverbis:
- a bighe dure no si resone
- il cûr al resone a so mût
- la passion no resone
- la pôre no resone
- resonâ cuntun cjoc al è tant che spudâ su lis boris