proietâ
pro|ie|tâ
[CO]
-
v.tr.
[BF]
butâ cun fuarce
Sin. butâ
, sgjaventâ
, sgurlâ
, slançâ
, strabalçâ
, tirâ
, trai
-
v.tr.
(fig.)
dâ un fuart impuls, judâ o permeti di rivâ a un ciert risultât:
proietâ il Friûl te ete digjitâl (Dree Venier, Average Furlan Guy: il "tipic furlan" che al è un grant sucès)
Sin. sburtâ
-
v.tr.
mandâ lûs, ancje creant imagjins cuintri di une superficie, par contrast jenfri zonis di lûs e ombre o cun colôrs:
tal scûr mufôs de ultime gnot di Otubar, il farut sul cjanton dal porton al proietà un coni zalit di lûs umide e frede parsore di dôs musis pituradis, disformadis dal obietîf de microcjamare (Gianfranco Pellegrini, Sium de Vilie dai Sants)
Sin. butâ
, fâ lûs
, lusî
, lusorâ
, mandâ lûs
, slungjâ
-
mostrâ une imagjin, un cine e v.i. cuntun aparât che al fâs lûs suntun schermi o suntune superficie:
Brunhilde e ve la idee di proietâ "La cena delle beffe" di Blasetti (Checo Tam, Sense);
il film al è stât proietât a Cividât in prime vision li dal teatri Ristori ai 10 di Zenâr cuntun grant sucès di public (Fabian Ros, Ritornerò per Natale)
-
v.tr.
[TS]
gjeom.
fâ la proiezion di une figure sore di un plan
-
v.tr.
[TS]
psic.
atribuî a altris intenzions, sintiments, stâts psicologjics che il sogjet par se al refude
-
v.tr.
(fig.)
assegnâ in maniere arbitrarie a cdn. o a alc i caratars o fintremai la identitât di cdn. altri o di alc altri:
Fatime e veve proietât su di lui, in cualchi maniere, la figure di Filip di Alteflumare, il nobil sicilian (Carlo Sgorlon, Ombris tal infinît)
-
v.tr.
(fig.)
insuazâ o meti in relazion cuntun altri timp o cuntune cundizion divierse:
[te poesie di Otmar Mainardis] la lote eroiche dai pôcs cuintri dai orcui de modernitât inumane, la fradilance cui altris popui cence stât te Europe e tal mont, a vegnin proietadis ai timps dai Carnis (Sandri Carrozzo, Otmar Mainardis)