Dizionari de Lenghe Furlane

plantât  plan|tât  [AF]

1. p.pass., adi. viôt plantâ , viôt plantâsi
   
   1. di vegjetâl, metût di pueste a cressi intun puest:  i ciprès plantâts gnûfs devant dal ristiel a cressevin (Dino Virgili, La aghe da pît la cleve)
      Sin. semenât , metût , implantât , impastanât , pastanât
   2. di teren, che i àn semenât dentri ciertis plantis
      Sin. semenât , tignût , implantât
   3. di un toc, di un element, metût a fuarce dentri di un ciert materiâl:  un trenta pâi plantâts nel teren e unîts a piramida o a cavalet cu lis cimis insieme (Federigo Comelli, Il me paîs); un pichet di len plantât fra lis pieris (Franco Marchetta, Madalene)
      Sin. cjalcjât , fer , ficjât , fissât , inclaudât , implantât , impastanât , pastanât
   4. (fig.) di persone, popolazion, ativitât e v.i., che si è metude a vivi, agjî, lâ indevant e v.i.:  "Mame, parcè no fasìno come in tancj lûcs la procession dal Vinars Sant ancje culì…" "Ce vûstu, sin a pene plantâts, i borcs àn pocjis cjasis, ma tu viodarâs che prest metarìn ancje ca chê usance." (Pieri Somede dai Marcs, Resurezion a Pontinie)
      Sin. insedât , impastanât , pastanât , implantât
   5. (fig.) che sta sù suntune cierte fonde:  il Cristianisim al è plantât sul fat che Crist al è risussitât dai muarts (Francesc Placerean, La Pasche)
      Sin. insedât , impastanât , pastanât , implantât , fondât , basât
2. adi. (fig.) dal dut fer, soredut pe impussibilitât o incapacitât di movisi o di fâ, o ancje par volontât restive di no movisi:  no son bogns nancje di metisi a fâ l'amôr, no son bogns di cumbinà nuie, no viodêso che la fieste son simpri li plantâts come pâi, denant la ostarie (Pieri Somede dai Marcs, A la oselade); il vieli di cjase, plantât intal mieç de cusine, al blestemave saldo (Gianni Gregoricchio, Trê feminis)
   Sin. fer , impalât , inclaudât , implantât , impastanât , pastanât
   
   1. indreçât fis tor di alc o di cdn.:  Celso al stave cul cjâf bas e cui voi plantâts par tiare (Gianni Gregoricchio, Îr e doman)
3. adi. (fig.) che al à une cierte cundizion fisiche, soredut salde e fuarte:  lis feminis àn une ciere che consolin, i umign ben plantâts e ben tressâts che fasin pôre (Luigi Gortani, Al marcjât di Vile)
   
   1. che al à une cierte cundizion economiche, sociâl, morâl e v.i., soredut salde e fuarte:  ducj i frutats a tiravin par un fîl, e done Ane, prime di murî, e podè vedêju ducj ben implantâts (Catarine Percude, La mulinarie)
4. adi. (fig.) lassât, bandonât, no puartât indevant o no tignût intune cierte situazion o cundizion:  progjets finanziâts e plantâts a miezis (Serena Fogolini, Cjare la mê tiere)
   Sin. lassât , molât , bandonât , implantât , impastanât