metût
me|tût
[AF]
-
p.pass., adi.
viôt meti
, viôt metisi
-
adi.
che si cjate intune cierte posizion, intune cierte disposizion, intun ciert moment:
il nuviç che al rive a Cortâl di fûr al à ancje di fermâsi ae dogane, un gabiot metût su la jentrade dal paîs (Cristina Noacco, Faliscjis);
sul taulin metût tal cjanton dongje de stue, tune guantiere, a jerin tantis tacis netis e dongje un bocâl di vin blanc e profumât (Pieri Menis, Chei di Muraie);
lis lezions a vignivin fatis intune fasse orarie metude tal dopomisdì (Fabian Ros, Furlan a scuele: cemût che e ven aplicade la leç 482/99)
-
adi.
che si cjate intune cierte cundizion o situazion:
se i media talians a frontin dutis lis notiziis cun cheste capacitât di aprofondiment o sin pardabon metûts mâl (Anna Bogaro, "Cence alfabetizazion a van miôr radio e TV");
ma cemût sino metûts a sîs agns di distance? (Andrea Decorte, Vichipedie: pont de situazion)
-
che al à une cierte disponibilitât di risorsis, timp e sim.:
"Podìno viodisi doman? Cemût sêstu metût?" "Doman no cumbini, no ai timp"
Proverbis:
- la robe metude in mostre, le sporcje la moscje