pescjâ1
pes|cjâ
[AF]
-
v.tr.
(ancje ass.)
cjapâ pes o altris animâi di aghe, ancje cun imprescj di pueste, soredut par mangjâju o par vendiju:
Zuan al veve judât so pari tal pas e a pescjâ cun la rêt, po al veve tacât a fâ di garzon intune imprese (Stiefin Morat, Claps);
une des plui grandis sodisfazions che o vevin noaltris fruts di Baracêt e jere chê di lâ a pescjâ tal suei «difûr» (Lucio Perès, A pescje tal suei)
Sin. cjapâ iper.
-
v.tr.
(fig.)
tirâ fûr, cjoli, o ancje sielzi tal mieç di tantis altris robis:
se i capite la fortune di pescjâ a pene il doi di briscule, garantît che chel doi lu fâs rindi tant che un as (Riedo Pup, Politiche estare dal Friûl)
Sin. pescjâ fûr
, tirâ fûr
, cjapâ
, cjapâ sù
-
v.tr.
(fig.)
rivâ a cjatâ, soredut daspò di une ricercje lungje, sedi alc di materiâl che di imateriâl:
la viele no rivave a pescjâ ben inte memorie par ricuardâsi di dut (Franca Mainardis, Il sium di Lissandri)
Sin. burî fûr
, cjatâ
, sgarfâ fûr
, tirâ fûr
, cjatâ fûr
-
cjatâ alc o cdn. che al jere platât o che nol voleve jessi cjatât:
pussibil che [chei des tassis] a vegnin a pescjânus ancje in chest paisut, e sarès biele! (Pieri Somede dai Marcs, La buteghe dal barbîr);
jo o soi stât, magari par pocjis oris, e dopo mi àn pescjât, un «evasôr fiscâl» (Riedo Pup, Jo, evasôr fiscâl)
-
v.tr.
(ancje ass., ancje fig.)
soredut di un condot o di un manufat, cjapâ un licuit e inviâlu di une cierte bande:
la ruede antighe, a palis di fier, e jere ancjemò tal so puest, e se si vierzeve un scluset di metal, che al sierave une brentele di ciment che e pescjave tal flum, si podeve tornâ a metile in vore (Carlo Sgorlon, Ombris tal infinît)
Sin. aurî
-
v.intr.
jessi sot dal nivel da la aghe:
lis feminis a lavavin sot dal puarti di cjase, te podine, che i lavadôrs dal flum no pescjavin ta la aghe (Dino Virgili, La aghe da pît la cleve)
Proverbis:
- tal torgul al è bon pescjâ