aurî
au|rî
[CO]
-
v.tr.
(ancje ass.)
cjapâ aghe, soredut di une fontane, di un poç, di une cistierne e v.i., par puartâle a cjase o dulà che al covente:
Tunine dal Fari, il prin viaç che e fâs di buinore a aurî aghe sul poç, se si cjate cu la Catinate dal Moro, almancul mieze ore di badaiade le pete dal sigûr (Josef Marchet, Lis predicjis dal muini);
al scomençà a vignî par cjase, le judave te lobie a cjoli lens, a aurî aghe tal poç, a fâ fûc (Dino Virgili, La aghe da pît la cleve)
Var. urî
-
v.tr.
(fig., ancje ass.)
cjapâ un alc ancje di imateriâl:
invezit i miliarts a son lâts in nuie par mil e mil riuluts, indulà che ognidun al a cirût e al cîr di aurî plui che al po (Josef Marchet, Cuant si risolvaraie Rome a sistemâ i Julians?);
la tradizion grafiche dai secui passâts e va tignude buine tant che materiâl li che si puedin aurî ideis pes gnovis soluzions (Adrian Cescje, Memoriis di politiche linguistiche)
Sin. cjoli
, cjapâ