memoreâ
me|mo|re|â
[AF]
-
v.tr.
tignî o riclamâ te memorie un ricuart:
a si leeva, un grum, cuant che a si viazava in treno e in coriera, e cun plui atenzion; a si memoreava dut e un pôc di chel dut al tornava fûr, coventant! (Giorgio Ferigo, In forma di peraulas…);
lis pocjis citazions biblichis che a rivavin a brincâ in cualchi jenfri di predicje lis memoreavin par in vite (Riedo Pup, Il popul furlan al à la Biblie)
Sin. impensâsi
, visâ
, ricuardâsi
, vê iniment
, visâsi
, tignî a ments
-
v.tr.
riclamâ te memorie di cdn. altri:
ognidune des contis e pues memoreânus un ricuart de nestre vite di fruts (Laurin Zuan Nardin, Dulà che e finìs la storie e che al nas il mît)
Sin. fâ sovignî
, ricuardâ
, visâ
, vê iniment
-
fevelâ o scrivi di cdn. o di alc, ancje in maniere svelte, par fâ tignî presintis ciertis informazions:
dai tancj fats di storie di chest toc di Friûl, si à di memoreâ il sachizament dal 1352 de bande des cernidis dal Patriarcje; intant de lote cuintri i feudataris ribei, che doi agns prin a Sant Zorç de Richinvelde a vevin maçât il Patriarcje Bertrant (Agnul di Spere, Cjopris - Viscon)
Sin. citâ
, vê iniment
, ricuardâ
, visâ
-
v.tr.
celebrâ un fat o une persone cun solenitât cuntune cerimonie, cuntune iniziative e v.i.:
[i Messens] a dedicarin cu la decime dal botin di vuere une grande Nike par memoreâ la vitorie intal sît di Olimpie (Adrian Cescje, Viaç aes origjins dal Logos);
ancje chest an la Fieste de Patrie dal Friûl e je ricuardade cuntun program siôr di apontaments […] par memoreâ lis origjins e la storie di autonomie dal popul furlan (Redazion La Patrie dal Friûl, Fieste de Patrie, fieste di dut il Friûl)
Sin. celebrâ
, ricuardâ