Dizionari de Lenghe Furlane

ma lafè sì    [CO]

1. loc.av., loc.inter. par dâ une rispueste positive:  une dì lui i domande di podê dâi une bussade e no i colin lis fuarcis se jê i dîs sul imprin "ma lafè no", cui voi che i lusin "ma lafè sì!" (Ivano Urli, Storie di Vera)
   Sin. lafè sì , sì lafè , sì , sì ve
   
   1. par dâ plui fuarce a une afermazion:  "A àn vût cûr di mandâmi daûr il vuardian… a àn vût cûr…! Lu ai fat po cori. Ma lafè sì! Par trois e cjarandis, intant che si inmaneave un brut timp, e po vie, sot la ploie!" (Maria Forte, Chê massanghe plui grande)
      Cfr. dabon , pardabon , propit , dassen , pardassen
   2. (antifr.) par rispuindi, ancje a une domande sotintindude, che alc al è impussibil, par dineâ:  "Viodit se e vessis te cjanive almanco une gote di scjaveç" "Ma lafè sì! Di cuâl? Nol è che un caratel vieli e scredel, che dopo muart il mio puôr om nol è stât mai plui doprât" (Catarine Percude, La fuiace de Madone); "Vêso finît là dentri?" "Ma lafè sì, nancje scomençât" (Costantino Smaniotto, Co l'amôr al cimie)
      Sin. po sì , figurâsi , sì po , po sì sì , po sì po

Components:

• lafè inter.
• sì av., s.m.

Proverbis:

• al vâl plui un sì che no un ma lafè sì