lagnâsi
la|gnâ|si
[CO]
-
v.pron.intr.
pandi displasê o dolôr:
al jere lât indenant a remenâsi sul stramaç lagnantsi cun vôs scjafoiade (Mario De Apollonia, Il timp par ledrôs)
Sin. lamentâsi
, dolêsi
-
fâ un viers che al è o che al somee espression di displasê, di dolôr:
intant, par dute la campagne, / o che il vint al sivile tai gjatui, o che si lagne / un ucielat sui pôi (Ercole Carletti, La gnot di Nadâl)
Sin. vuicâ
, vaî
, mungulâ
-
v.pron.intr.
pandi insodisfazion, dispiet, fastidi:
del vin acit si lemente, / jê si lagne del pan dûr (Toni Broili, Academie des massariis);
che al viodi / se o vin o mai vude une ocasion compagne / par liberâ la patrie che si lagne / de dure sclavitût (Pieri Corvat, El cuarantevot)
Sin. bruntulâ
, protestâ
, contestâ
, reclamâ
, lamentâsi
Proverbis:
- no bisugne lagnâsi dal brût gras
- no lagnâsi dal brût gras
- si à di doprâ chel che si à prin di lagnâsi di ce che nus mancje
