mungulâ
mun|gu|lâ
[CO]
-
v.intr., v.tr.
des vacjis, dai bûs e v.i., fâ il lôr tipic viers:
"I nemâi ju ai regolâts jo! Ju sintîs ce che mungulin là jù tal cjamp, mari!" (Dolfo Zorzut, Mi ûstu ben?);
une vacje e mungulà te stale dongje (Domeni Zannier, La crete che no vai)
Sin. mugnâ
Var. mugnulâ
, mugulâ
-
v.intr., v.tr.
(fig.)
ancje di personis, elements naturâi, ogjets e v.i., fâ un sun che si somee cun chel dai bovins:
cumò lis brentanis di Istât: il flum al veve vonde mungulât turbit e rabiôs (Dino Virgili, La aghe da pît la cleve);
sintî mungulâ di lontan i aeroplans (Ivano Urli, Storie di Vera)
-
fevelâ o dî bruntulant o barbotant:
«A ducj il jôf nol va a plomp! …» al mungulà une dì, te cafetarie (Pieri Menis, Il «comandatôr»)
