justâsi
jus|tâ|si
[AF]
-
v.pron.tr.
justâ, comedâ alc di se stes o par se stes, viôt justâ
-
(ancje fig.)
fâ stâ miôr une part dal cuarp:
par justâsi il stomi sin lâts a bevi mieç di blanc (Vittorio Vittorello, A ogni cost)
-
v.pron.intr.
di alc che al jere rot o che nol funzionave ben, tornâ a puest:
ben ben, pussibil, il mont si justarà (Pieri Somede dai Marcs, L'avocat e la luianie);
ce che si jere vuastât tal so pinsîr nol tornà plui a justâsi (Maria Forte, Cjase di Dalban)
Sin. sistemâsi
, comedâsi
-
v.pron.intr.
(fig.)
cjatâ une soluzion condividude, metisi dacuardi:
al tache a contratâ, al si juste, lu paie sore la brucje (Giovanni Gortani, Un mus che al va frari);
cun voaltris si justarìn in cheste maniere: se doman a buinore, tor lis siet o sintarês a sunâ la cjampane, al vûl dî che o varìn la messe ca sù (Josef Marchet, Lis predicjis dal muini)
Sin. convignî
, metisi dacuardi
, regolâsi
-
v.pron.intr.
metisi intune cierte posizion, intun ciert ordin e v.i.
Sin. comedâsi
, rangjâsi
, sestâsi
-
v.pron.tr.
meti alc di se stes o intor di se stes intune cierte posizion:
si cjale e si juste i cjavei tal spieli (Pieri Somede dai Marcs, Lassait che mi sbrochi!);
jê, bielzà mieze disvistude, a si juste il perizome par mostrâi ben il tatuaç che e à da pît de schene (Maurizio Mattiuzza, Al prossim casting ti sielzin te)
-
v.pron.intr.
cambiâ par adatâsi a une situazion, a une finalitât:
la industrie dal turisim regjonâl si è justade intor di cheste vocazion (Bete di Spere, Avost, anìn in ufici… a Lignan)
Sin. adatâsi
, regolâsi
Proverbis:
- cuant che la cjar e devente fruste, ancje la anime si juste
