metisi dacuardi    [AF]

  1. loc.v. fâ un pat cun cdn. par fâ alc, lassâ clare une idee acetade di dutis lis parts su alc che si varà di fâ:  Vigji si met dacuardi cul paron, / par che il gustâ al prepari par miesdì (Renato Toselli, La Madone di Avost); i ambients nemîs de identitât furlane si son metûts ducj dacuardi par anulânus, par sfracaiânus, par distirpânus (Roberto Meroi, Chei siet galantoms che no son plui cun noaltris)
    Sin. restâ
    Cfr. dî , dîsi
    1. cjatâ une soluzion condividude e acetade di dutis lis parts:  il professôr Montclâr e Bordin a vevin di jessisi metûts dacuardi (Sergio Cecotti, Il President); Tita si metè dacuardi cun so fradi Domeni in cont de ereditât (Mainardo Benardelli, Un pitôr inedit dal Votcent furlan)
Components: