Dizionari de Lenghe Furlane

rangjâsi  ran|gjâ|si  [AF]

1. v.pron.intr. scugnî fâ alc di bessôl o rivâ a fâ alc di bessôl:  e alore che nus lassi fâ di bessôi, che nus lassi che o provìn, che o si rangjìn (Josef Marchet, Par intindisi)
   Sin. inzegnâsi
   
   1. frontâ une situazion, cjatâ une soluzion di persone:  "Ma… ai pôre." "Ce pôre… nol è timp di pierdi, coragjo. Sin pûr dacordo, se al ven lui lu rangjìn insieme, se ven Mariute mi rangji jo." (Pieri Somede dai Marcs, La buteghe dal barbîr)
      Sin. viodi , proviodi
   2. ancje in formis esortativis, par dî di no secjâ chei altris o di rassegnâsi a stâ intune cierte situazion cence che altris a vedin di dâ une man:  "Ben finissile, rangjiti e lassimi stâ…" (Pieri Somede dai Marcs, Vilie di Nadâl (teatri)); "[…] O scjampi cun jê, jo ve… O scjampi cun jê e il barbe che al si rangji … E Nives che si frizi […]" (Costantino Smaniotto, Co l'amôr al cimie)
2. v.pron.intr. rivâ a fâ alc o a otignî un risultât in cualchi maniere, ancje cence jessi intes cundizions miôr, cence vê une formazion speciâl, i imprescj juscj e v.i.:  ancje Menie e jere in stret di bêçs, ma e saveve rangjâsi: cui ûfs, cu lis niadis dai cunins, cul prevanz dal formadi e il lidric cul poc di Viarte. Pal marcjât e cjatave la fate di vê cualchi franc de bande (Maria Forte, La fie çuete)
   Sin. inzegnâsi
   Cfr. argagnâ
   
   1. rivâ a fâ alc in maniere aprossimative, ancje avonde ben:  «Savêso fâ dome il cjaradôr?» i domandà. «Mi rangji a fâ di dut». «Ven a dî?» «Il marangon, il fari, il muredôr… in sumis mi rangji …» (Carlo Sgorlon, Prime di sere); a vevin domandât se cualchidun al saveve todesc; ogni pôc al varès zovât. Jo mi rangjavi ae miôr. Lu vevi imparât su la fornâs in Baviere (Pieri Menis, Il «miracul» di un ûf)
      Sin. difindisi , cumbinâ
3. v.pron.intr., v.pron.tr. [BF] rangjâ alc che si à intor, alc di se, alc par se e v.i.
   Sin. cuinçâsi , justâsi , sistemâsi , regolâsi