difindisi
/-fìn-/
di|fin|di|si
[CO]
-
v.pron.intr.
dâsi une protezion rispiet a alc di negatîf o pericolôs:
cun chestis surtidis si dave la impression ai imperiâi che Vignesie no si limitave a difindisi, ma e olsave ancje passâ ogni tant a la ofensive (Giovanni Pillinini, Zuan Batiste Cavedalis - Une vite esemplâr);
gnervine come che e jere, e veve brincât il mani di une sape par difindisi, cuant che a lui i jere vignût sù il tîr di dâi (Maria Forte, Mabile la Lunghine);
bon acet ancje pal forest che al tuche su la puarte, par difindisi dal frêt e de fam (Angelo Floramo, Des Americhis par continuâ une magjie cun lidrîs profondis)
Sin. protezisi
, parâsi
-
(fig.)
fâ in mût di no sintî i efiets di alc:
come tantis feminis, e veve un incjant che i oms no savevin difindisi (Carlo Sgorlon, Il dolfin)
-
v.pron.intr.
sostignî lis propriis resons:
L'avocat mi veve domandât subit se o jeri stât jo, a copâle, o vevi di disijal, dome a lui, che cussì o varessin podût meti adun une strategjie par difindisi (Raffaele Serafini, Soreli jevât a mont);
si cjacarin, si spieghin… Il zovin si difint, al dîs che a lôr no ur pareve di vê fat nuie di mâl: il puest al jere biel net e lôr si jerin incjampâts li (Cristina Noacco, Faliscjis)
Sin. discolpâsi
, justificâsi
, scusâsi
, parâsi
Proverbis:
- cui che lu copin o che si difint o che al cîr di murî di bessôl
- se a disin par denant, si sa difindisi; se a disin par daûr, i disin al cûl