regolâsi
re|go|lâ|si
[CO]
-
v.pron.intr.
dâsi une regule, une norme:
comunitâts virtuâls che si regolavin di bessolis (Matteo Baldan, Il dificil cunfin tra sigurece e dirits)
-
v.pron.intr.
compuartâsi in maniere conveniente, juste pes circostancis:
Comin mi à passadis lis relazions che a son rivadis in Provincie pe conference dai 5 di Mai, par che o savedi regolâmi (Adrian Cescje, Memoriis di politiche linguistiche);
une buine regule e podarès sei chê che si dopre lant sù pes monts: par rivâ sù ducj, si à di regolâsi sul pas di chel che al va plui planc (Franc Fari, Il cjâf dai furlans)
-
v.pron.intr.
rivâ a une soluzion buine:
lis lôr leçs a son plui semplicis e a lassin la libertât che lis robis si regolin di bessolis (Dree Venier, «La ACLiF e pues jessi un bon cjapiel par decidi pal ben comun. Nus covente, ma si po dâi fuarce dome cu la concretece»)
-
v.pron.intr., v.pron.tr.
metisi ben in ordin, soredut par ce che al tocje l'aspiet, la forme, la comoditât e v.i.:
"Che si regoli la cjadene dal orloi, siôr sindic !… Vie lis mans da la panze !… Che lis poi sui zenoi !… Che al meti ben in mostre i anei !… Cussì!…" (Arturo Feruglio, I purcjinei);
si sfreolave i voi, regolantsi il cjapielat fruçât sul cjâf (Dino Virgili, La aghe da pît la cleve)
Sin. justâsi
, metisi a puest
, rangjâsi
, ordenâsi
, sestâsi
, sistemâsi
, comedâsi