comedâsi
co|me|dâ|si
[AF]
-
v.pron.tr., v.pron.intr.
cun sens di interès pal subiet o di reciprocitât, viôt comedâ
-
v.pron.intr.
inviâsi viers une soluzion o viers di une cundizion regolâr o miôr:
un gnûf dolôr al colà su chê cjase che e scomençave a insestâsi e comedâsi tes robis (Maria Forte, Cjase di Dalban);
lis robis che a sucedin a Onde Furlane a son mancul dramatichis, ma a provochin des crevaduris personâls che no vignaran a comedâsi (Max Mauro, Un Friûl difarent: i 90 mhz di Onde Furlane);
bevude la butilie, al domandave un pocje di magnesie par netâ il stomi, po il cafè par comedâsi e magari ancje la bire (Antoni Beline, Pre Pitin)
Sin. discrosâsi
, disgredeâsi
, distrigâsi
, splanâsi
, risolvisi
, sistemâsi
, justâsi
-
v.pron.intr.
vistîsi cun cure:
sot sere si comedà par ben, par lâ a cirî l'om e lu cjatà ta la ostarie de More (Maria Forte, La cotule di none Betilde)
Sin. cuinçâsi
, sestâsi
-
v.pron.intr.
sentâsi, metisi comut:
alore ju cjalà ben disot chês ceonis. "Disêtmi mo!" comedantsi sul cjadreon dal mezât (Dino Virgili, La aghe da pît la cleve)
Sin. comodâsi
, sistemâsi
-
cjatâ une sistemazion par se stes, pe proprie robe:
chest al è Josef, l’alenadôr, e chescj a son i tiei compagns. Cjatiti un puest e comediti (Stiefin Morat, Donald dal Tiliment)
Proverbis:
- cui che al jeve al piert la siele, cui che si sente si comede