inzegnâsi in|ze|gnâ|si [AF]
-
v.pron.intr.
fâ cualchi alc par lâ indenant, par frontâ alc che al met in dificoltât, ancje in maniere aprossimative:
e cognosseve l'alfabet e si inzegnave a scrivi cun fadie (Maria Forte, Cjase di Dalban);
si sa po: par vivi al tocje inzegnâsi (Josef Marchet, Lis predicjis dal muini)
Sin. argagnâ , imbroiâle , lambicâsi , mateâ , messedâsi , rangjâsi
- a cui che no si inzegne, i ven la tegne
- cui che no si inzegne al cjape la tegne
- fin che al è viert il granâr di crist, cui che no si inzegne al è trist
- fin che al è viert il solâr di Crist, cui che no si inzegne al è trist