intat
/-àt/
in|tat
[CO]
-
adi.
(ancje fig.)
che nol è ruvinât o rot o doprât in maniere di no jessi plui te sô condizion origjinâl, che nol i è stade gjavade nissune part:
a 'ndi è ancjemò cualchidun [di cjistielîr] restât tâl e cuâl! […] a Gradiscje di Spilimberc, […] a 'ndi è un cuasi intat (Francesc Placerean, La nestre storie);
le clamarin in ducj, sul troi, tal curtîl, in cjase. Il jet al jere intat, la puarte vierte, dabàs (Dino Virgili, Pôre tal nuie…);
almancul in chest il gno mût antîc di pensâ al jere restât intat (Carlo Sgorlon, Il dolfin)
Sin. intîr
, perfet
, complet
, san
, bon
Cfr. dut
, salf
-
che nol è stât ruvinât, corot, vuastât, sporcjât e v.i.:
la aghe intate dal Luri e jere clipe (Dino Virgili, La aghe da pît la cleve)
Sin. pûr2
-
di probleme o sim., che nol è stât frontât e nol à vût soluzion:
a restin intats i problemis di dâi une anime sane a un cuarp riscatât e di dâi il spirit de culture e de vite a une struture spompade e cence vite (Antoni Beline, Zuanfrancesc Gubian, Une "Patrie" pal gnûf milenari)