intîr
in|tîr
[FO]
-
adi.
(ancje fig.)
complet rispiet a estension, cuantitât, grandece, durade, intensitât e v.i..:
zuiâ lis zornadis interiis sul cjast, co fûr al ploveve (Alan Brusini, Come tai romançs);
il mont intîr al jere daûr a cambiâ (Cristina Noacco, Faliscjis);
Il manuscrit cjatât a Dux al à 8 libris intîrs e un lassât a mieç (Pierluigi Visintin, Friûl e furlans te Histoire de ma vie di Giacomo Casanova)
Sin. complet
, plen
Var. intêr
, intiar
, intrê
Cfr. dut
-
ancjemò no tacât:
o varès ancje un salam ca di ca, ma al è intîr, e no ai propit voie di disniçâlu (Meni Ucel, Salams)
-
(fig.)
che al à carateristiche di plenece, che si pues calcolâ autentic, cemût che al à di jessi:
Zuan nol è plui chel di une volte […] nol rive mai a fâ interie une ridade (Maria Forte, La tiere di Lansing)
-
adi., s.m.
cun presit complet, cence riduzions:
la esposizion […] e sarà vierte al public in cjistiel […] di martars a domenie da lis 10 e mieze di matine fintremai lis 5 sot sere (intîr 5 euros, ridot 2,50 euros). (Marc Stolf, Gnove mostre al museu Archeologjic)
-
adi.
di bêçs, intune sole monede o intun sôl biliet di bancje:
une dì un client al paie lis medisinis cjoltis: undis centesims, ven a stâi une palanche interie e un centesimin. Il zovin di buteghe al cjape la palanche in man e i dîs al paron: "Dotôr, che al viodi che e je mate" (Alan Brusini, Amîs come prime)
-
adi.
no rot, intat, cence dams:
la glesie e jere restade interie e cree tal mieç dal fisc des cjasis [bombardadis] (Agnul di Spere, Cjalant la rive)
Sin. intat
-
(ancje scherç.)
di cdn., vîf e cence feridis seriis:
podê tornâ a cjase sans e intîrs (Carlo Sgorlon, Il dolfin)
-
adi.
di animâl, che nol è stât spadât:
il cjaval spadât al è plui dolç di bocje di chel intîr
Sin. cence spadâ
, no spadât
-
s.m.
il dut, il totâl, la unitât:
lis parts che a fasin l'intîr
Sin. dut
, totâl
, totalitât
, unitât
-
adi., s.m.
[TS]
mat.
ogni numar naturâl positîf e negatîf, e ancje il zero, che no son ni decimâi ni frazionaris
Proverbis:
- cul art e cul ingjan si campe mieç an, cul art e cul mistîr si campe l'an intîr