incressi
/-è-/
in|cre|ssi
[AF]
-
v.intr.
deventâ plui grant, plui rilevant, plui grâf, plui numerôs, plui alt di cualitât, intensitât, jerarchie e v.i.:
al veve sintût te sô vôs incressi la ironie (Amedeo Giacomini, Tal ospedâl);
i trê sorestants a fasevin il calcul di cemût che a saressin podudis lâ lis robis a lôr pro intune situazion dulà che miserie e fan a incressevin dì par dì (Stiefin Morat, Microrivoluzions)
Sin. dâ sù
, lâ sù
, tirâsi sù
, cressi
-
v.intr.
in costruzions impersonâls, par segnâ une sensazion di nostalgjie:
vuei tornâ te mê cjase / mi incrès dal gno biel cîl (G. Nodâl, Lunari pal 1969, cit. in Giorgio Faggin, Vocabolario della lingua friulana)
Cfr. mancjâ
-
v.tr.
fâ che alc al sei plui grant in dimension, cualitât, cuantitât, frecuence e v.i. o che si percepissi di plui:
il fûc al de subit une sflamiade grande, che e incressè la lûs e il calôr de stanzie (Carlo Sgorlon, Il dolfin);
la idee dai politics che a àn volût cheste operazion e jere di incressi lis potenzialitâts de agriculture (Max Mauro, Un Friûl difarent: i 90 mhz di Onde Furlane)
Sin. cressi
, ingrandî
, slargjâ
, aumentâ
, tirâ sù
