in sumis
[FO]
-
loc.av.
par introdusi o rimarcâ une conclusion o une sintesi o ancje dome par intercalâ:
vevin cafeterie, / vevin locande e plui di une ostarie, / negozis di balotis, di sardelis, / magazen di scudielis,[...]; / cumò son ducj siarâts, / e i marcjadants sbalâts. / In sumis puar Bolzan nol è plui chel (Pieri Çorut, La sagre di Bolzan);
"No soi un grant pitôr, e no ai mai vude cheste pretese, ma soi un bon diletant; o ai esponût ae mostre provinciâl di Udin e soi stât apreçât: in sumis no soi un cjan dal dut!" (Vittorio Vittorello, A ogni cost);
sì, o sai, sì, che… in sumis … se un al à chê [di butâsi di un puint], par solit… al si bute muse indevant, no in schene (Laurin Zuan Nardin, Il cop)
Var. insome
, insume
Cfr. alore
, ve1
, po
, cjo
-
loc.av.
tant che rispueste o coment, par dî che alc al va plui o mancul ben
Sin. avonde
, plui o mancul
, cussì
, cussì po
, cussì cussì
-
loc.av.
tant che esclamazion, par pandi critiche, par riclamâ, cridâ e v.i.:
"Oh, in sumis, ûstu o no ûstu finîle?" (Francesco Coletti, Romeo Battistig, Arturo Bosetti, La massarie dal plevan);
"In sumis, sono oris di dismovi la int, chestis ca?" (Gianni Gregoricchio, Îr e doman)
Sin. alore
Components:
