Dizionari de Lenghe Furlane

gratâsi  gra|tâ|si  [CO]

1. v.pron.intr., v.pron.tr. passâ cuntun contat sprolungjât e ripetût, soredut cui dêts, une part dal propri cuarp o cun reciprocitât:  al vierç la letare, al lei e si grate il cjâf (Pieri Somede dai Marcs, Il lôf); al sbotonà la cjamese e al tacà a gratâsi e al faseve ancje fente di copâ pulçs (Angelo Covazzi, I pulçs)
   Sin. freâsi , freolâsi , russâsi
2. v.pron.intr. (coloc., fig.) stâ cence fâ nuie:  [a Cossutti, sindicalist] a i domandin alc dome par dessidi di se colôr che a àn di meti la cjarta tal cesso, tantis cjadreis che a servissin ta la stansia dal cafè, ma li robis importantis a li dessidin in diression, di bessôi. Dal vuê al doman. E Cossutti al resta a gratâsi (Alberto Luchini, Frignot)
   Sin. bibiâ , cjalâ par aiar , dandanâsi , gratâsi la panze , oziâ , oziosâ , parâsi ator , parsembolâsi , pendolâ , pendolâsi , poltronâ , poltronâsi , pultrî , russâsi la panze , stâ dibant , russâsi
3. v.pron.intr. (coloc., fig.) vê di frontâ o di sopuartâ di bessôl alc di negatîf:  a vevin “curât” encja i vues di Michelàs. «Che al si grati», disà Niu, sempri sot vous, «al à tacât lui» (Ovidio Colussi, Il pilustrât)
   Sin. rangjâsi , russâsi
   Cfr. fotisi , inculâsi

Polirematichis e espressions idiomatichis

• gratâsi i coions loc.v.
• gratâsi il luvin de panze loc.v.
• gratâsi la panze loc.v.
• gratâsi lis balis loc.v.

Proverbis:

• cui che al à la rogne che si grati