russâsi
ru|ssâ|si
[CO]
-
v.pron.intr., v.pron.tr.
passâ cuntun contat sprolungjât e ripetût, soredut cui dêts, une part dal propri cuarp o cun reciprocitât:
si russà i voi, si cjalà ator, mieç inçussît, si tirà sù dal dut e si indi le (Fabian Ros, Il lôf);
si russe il nâs cu la manie dal vistît (Laurin Zuan Nardin, La gote)
Sin. freâsi
, freolâsi
, gratâsi
-
tocjâsi in maniere plui o mancul lizere:
a cjaminavin un dongje l'altri, che i lôr braçs si russavin (Pieri Menis, Sul agâr)
-
v.pron.intr.
lâ cun dolcece intor di cdn. o di alc, in maniere che al sedi un contat sprolungjât o ripetût:
un gjat, che al saltave di ca e là e si russave su la puarte (Raffaele Serafini, Soreli jevât a mont)
Sin. freâsi
, freolâsi
, sfreâsi
, sfreolâsi
-
(fig.)
compuartâsi cun dolcece, in câs ancje ipocrite par vê un tornecont:
po dopo al tornà dongje russantsi come il gjat e domandant se al podeve sei util in alc (Antoni Beline, Pre Pitin);
cuant che Bertin al ven a russâsi cul nono, di sigûr al vûl molzi alc (Pauli Jacuz, Kaspersky)
-
v.pron.intr.
(coloc., fig.)
stâ cence fâ nuie:
mantignî la int dibant a russâsi pai uficis (Pieri Somede dai Marcs, Vilie di Nadâl (teatri))
Sin. bibiâ
, cjalâ par aiar
, dandanâsi
, gratâsi la panze
, oziâ
, oziosâ
, parâsi ator
, parsembolâsi
, pendolâ
, pendolâsi
, poltronâ
, poltronâsi
, pultrî
, russâsi la panze
, stâ dibant
, gratâsi
-
v.pron.intr.
(coloc., fig.)
vê di frontâ o di sopuartâ di bessôl alc di negatîf:
cheste e jere la nestre ore, il moment di alçâ il cjâf; no le vin capide, no vin volût riscjâ: fra cualchi setemane Rome nus metarà tes cuestis la sô rispueste. E o si russarìn (Josef Marchet, Legnadis e pidadis);
il furlan al à plui un spirt anarchic che sotan, i plâs fâ di sorestant a cjase sô, par dut il rest che si russin chei altris (William Cisilino, Il turisim… salt, onest, lavoradôr)
Sin. rangjâsi
Cfr. fotisi
, inculâsi
Proverbis:
- beât chel che al po russâsi di bessôl
- cui che si russe al è segn che i spice