gjostre
/-ò-/
gjos|tre
[AF]
-
s.f.
[CO]
competizion tra cavalîrs che a cirin di butâsi jù de siele cun lancis dispontadis:
par fâ cualsisei zûc, gjostra o bataia / in mieç l'avea fat fâ come una arena (Zuan Josef Busiç, La Eneide di Virgjili)
-
s.f.
divertiment di fiere fat di une struture che e zire, cun cjavaluts o altris figuris di len o di altri materiâl li che si pues sentâsi:
e zire la gjostre, al cres il bacan, morosis, morôs si cjatin tant ben, fantats morbinôs a 'nt cumbinin di bielis (Pieri Somede dai Marcs, La cavalarice);
spietâ e brincâ un puestut suntune gjostre; montâ sù a sburtons sul cjavalut; e di là sù, zirant, sintîsi par un moment, parons di Sante Catarine (Riedo Pup, I furlans e Sante Catarine)
Sin. cavalarice
, ringhispîl
-
cualsisei divertiment di fiere:
la sagre di Sante Catarine e jere passade e lis gjostris a partivin une a la volte (Gianni Gregoricchio, Lilie)
-
s.f.
(fig.)
dinamiche che e va e che e torne, che e zire, che e va indenant in maniere ripetitive:
lis stelis e la lune / sul cîl intorgulît / scomencin la lôr gjostre, / ma lusin cun fadie (Zaneto, Dut al finìs ca jù...);
Odile e jere scaturide; no si stufave mai di tocjâ, di palpâ, di controlâ dut, cul stes amôr che al po vê un cramar siôr cuant che al cjarece la sô casselute dai bêçs. Agne Mine e veve viodût chê gjostre, ma no si scomponeve plui di chel tant (Franca Mainardis, Il sium di Lissandri)
Cfr. ruede
, zîr
, cavalarice
, storie
, musiche
, gjile
, comedie
, cine
