gjenerôs
gje|ne|rôs
[AF]
-
adi., s.m.
che, cui che al è pront a dâ a chei altris e a fâur dal ben:
al jere Sandri D'Andree, mio amì di scuele, galantom, brâf, gjenerôs cui puars (Pieri Somede dai Marcs, 11 di Fevrâr 1929);
ma ce om gjenerôs no jerial stât siôr Toni, un om di cûr, mai dite no a di nissun par un prestit o une regalie (Alan Brusini, Come tai romançs)
Sin. bon
, altruist
-
che al mostre o che si fonde su la disposizion a dâ e a fâ dal ben:
che il Signôr lu conservi san chest priôr che al à ideis cussì gjenerosis (Zuan Lurinçon, La Madalene)
-
che, cui che al è pront a paiâ cence sparagn:
di sigûr a jerin gjenerôs ancje chei che a levin a cjatâle [la prostitude] (Cristina Noacco, Faliscjis)
Sin. larc
, prodic
, munific
, grandiôs
, splendit
-
adi.
di paie, compens, premi e v.i., caraterizât di bondance, di grande cuantitât:
il regâl al podeve jessi ancje un tic plui gjenerôs (Angelo Floramo, Giulia da Ponte, "La Bella" di Tiziano te gloriose Academie di Spilimberc)
Sin. penç
, grant
, munific
, bondant
, grues
, siôr
, ric
-
di cualsisei robe, in grande cuantitât:
il sorturc l'à di jessi gjenerôs / miser il cincuantin (Pieri Çorut, Il Strolic furlan par l'an 1851)
-
ben grant, in particolâr di part dal cuarp:
folte la cee, lunc di luminari, / glutidôr stret e bocje gjenerose (Pieri Çorut, Il mio ritrat)
-
adi.
di vin, che al à gradazion alte e bon savôr:
il bon vin, che si intint il vin fuart, il vin generôs (Giuseppe Ferdinando del Torre, Il contadinel. Lunari par l'an 1866)
Sin. di buine schene
-
adi.
(fig.)
che si impegne, che si sfuarce une vore cence sparagnâsi:
al è just ricognossi chest merit ae azion visionarie di om tant gjenerôs e inamorât de sô Patrie (Walter Tomada, Zorç Jus, l'inventôr de nestre bandiere di vuê)
-
che al mostre o che al è caraterizât di tant impegn:
la partide e finìs inte maniere miôr. Un gol fat, trê ponts e une condote di gare inteligjente e gjenerose (Marc Stolf, Udinese - Roma 1-0)
-
adi.
[BF]
di cdn., massime di femine, che e va cun cualsisei:
biele frute dispetose, / ce ti aio fat a ti? / Tu cun ducj sês gjenerose, / no tu ûs dâme nome a mi (Popolâr - Valentino Ostermann, Biele frute dispetose - Villotte Friulane - Appendice)
Sin. legri
, lizêr
, facil
Proverbis:
- de robe dai altris ducj a son gjenerôs
