fevele
/-vè-/
fe|ve|le
[AF]
-
s.f.
maniere di comunicâ cu la vôs, che e pues jessi tipiche di une nazion, o ancje di une popolazion locâl, di une cierte categorie di personis, di une fasse sociâl, di une cierte persone:
e je lade in vore la leç statâl che e pupile il furlan, calcolât no altri tant che un origjinâl dialet ecentric ma tant che une fevele che e à une sô dignitât di lenghe (Giorgio Faggin, Par che la lenghe e puedi florizâ);
inte fevele cividine di in chê volte l'-r dispès al colave (Zorç Cadorin, Cualchi ipotesi sul furlan di prin di scrivilu);
morestâts intune clime di grandece patreotiche, cuntun spel di borie te fevele e te ande, si dispiticavin a fa i Mazzinis e i Garibaldis (Alviero Negro, Un purcit pa la Storie)
Sin. lenghe
, lengaç
Var. favele
Cfr. idiome
, dialet
-
s.f.
facoltât o capacitât di comunicâ a vôs, in gjenerâl o ancje in maniere particolâr o cun francjece:
tantis voltis, o ai vût mût di cognossi personis che a vevin pierdût la fevele par vie di malatiis intal cerviel (Franc Fari, Il cjâf dai furlans);
no i vignive nancje la fevele (Roberto Ongaro, Cretevierte);
a Basili i jere lade la fevele jù pal cuel (Riedo Pup, Il moto dal 28)
Cfr. lenghe
, lengaç
, peraule
, vôs
, cjacare
, batule
, bardele
Proverbis:
- bocje onzude no fevele mâl
- cuant che si fevele dal lôf, al capite