lengaç
/-àç/
len|gaç
[FO]
-
s.m.
facoltât di fevelâ, di esprimisi midiant di suns articolâts e razionâi:
il lengaç, prodot de abilitât di meti adun simbui fonetics, al devi seisi evolût intun cu la necessitât di cooperâ in societâts che a deventavin simpri plui articoladis (Angelo Vianello, La evoluzion su la tiere. Une storie di competizion e cooperazion)
Sin. fevele
, peraule
-
[TS]
psic., ling.
capacitât dal om di imparâ e doprâ une o plui lenghis:
se il frutin nol à dificoltâts di lengaç […] no son problemis a cjapâ sù trê cuatri lenghis prin dai siet agns (Franc Fari, Il cjâf dai furlans)
-
s.m.
sisteme di esprimisi e di comunicâ midiant di suns articolâts e razionâi, di peraulis, daûr di regulis condividudis di une comunitât:
la storie di ducj i lengaçs, vîfs e muarts, nus insegne che par salvâ il furlan di une muart sigure […] al è nome un rimiedi e nome un mieç: fâlu insegnâ tes scuelis (Josef Marchet, Dome un rimiedi par salvâ il furlan: insegnâlu tes scuelis);
i fornasîrs [furlans] e la compagnie dai todescs, strade fasint, a cjacaronavin ognun tal so lengaç, sclopant ogni tant in ridadonis (Pieri Menis, Tal bosc di Kebespok)
Sin. fevele
, lenghe
, idiome
-
s.m.
modalitât particolâr di doprâ une lenghe:
la filosofie e la sience, jentradis intune profonditât di cuistions indulà che la fole no rive, a scuegnin creâsi un lôr lengaç particolâr (Josef Marchet, Un element fondamentâl dal moviment autonomistic);
une carateristiche necessarie di ogni lengaç tecnic sientific e je la rigorose univocitât semantiche de sô terminologjie (Franco Finco, Par une terminologjie in lenghe furlane)
Sin. fevelâ
, fevele
, idiome
, lenghe
, zerc
-
lenghe modificade, tipiche di un ciert grup sociâl:
cuatri sentesins che a i bastavin justa pa la bocjada e il got dal vin, pa la contorta e il scàbit come che a si diseva par taront, il lengaç che a dropavin i stagnins tra di lour, che nissun ju capiva (Novella Cantarutti, Il stagnin)
-
modalitât stilistiche:
al è plui di cualchi autôr furlan che al è stât bon di svicinâ la lenghe ai lengaçs naratîfs modernis creant une sô identitât culturâl (Donato Toffoli, Relazion dal Grup di lavôr "Planificazion linguistiche")
-
s.m.
[TS]
semiol.
il doprâ un cualsisei codiç di segns, ancje no naturâi, che al prodûs e al ordene une comunicazion:
mi plâs pensâ che a sedin i prins segnâi dal tornâ a un lengaç figurâl o almancul ideogramatic (Mario Turello, Il brevet)
-
s.m.
[TS]
inform.
ogni insiemi di stringhis di simbui, gjeneradis di un vocabolari finît, cun regulis sintatichis finidis, ricorsivis:
sistemis multiagjents programâts cun lengaçs di programazion "a vincui" (Cristina Minuzzo, Gotis di sience 1)
-
s.m.
(fig.)
capacitât o pussibilitât di cualsisei element animât o inanimât di produsi sintiments e disveâ emozions, di comunicâ informazions e v.i.:
il paisaç al è une forme di lengaç un grum complicât e alore bisugne cjatâ lis formis di leture buinis (Rino Gubiani, Studi da la evoluzion dal paisaç mediant i toponims);
la nature mi fevele cul lengaç de sô bielece (Alan Brusini, Amîs come prime)
-
sunsûr produsût di un cualsisei element e che al pues fâ someâ che al feveli:
la aghe e jere rabiose sot, e tormentave i claps dal lavio, e muardeve i breons da pît mugulant cuissà ce ta chel so lengaç misteriôs (Dino Virgili, La aghe da pît la cleve)
Proverbis:
- la bausie e je il lengaç dal diaul
- ogni maridaç il so lengaç, ogni marideç il so peteç