dipendi
/-è-/
di|pen|di
[FO]
-
v.intr.
derivâ di une cierte cause, origjin e v.i.:
i flus di energjie a dipendin ancjemò tant de importazion di fonts fossilis (Matteo Mazzolini, Autonomie energjetiche nol vûl dî autarchie);
lis pôris dai nazionaliscj […], se no dipendin di interès personâi, e dipendin di une crisi sentimentâl causade de situazion di vuê: ni noaltris, ni Rome, ni lis mozions, ni lis dimostrazions bagnadis di sanc, no podìn puartâ rimedi a cheste lôr fiere (Josef Marchet, Logjiche e politiche);
la agriculture e jere la uniche vere risorse dal Friûl, e dutis lis renditis a dipendevin di chê (Adrian Cescje, Liniis di storie sociâl e economiche dal Friûl 1500 - 1800)
Sin. derivâ
, divignî
, saltâ fûr
, vignî
, vignî fûr
Var. dipindi
-
vê un efiet, un risultât, une fuarce che a derivin di un ciert fatôr, di une cierte maniere e v.i.:
dut al dipent di savêlis contâ, di savê fâ viodi e massime di savê fâ pôre (Pieri Piçul, Vieri e gnûf)
Sin. jessi1
, stâ
-
jessi condizionât di cualchi variabile, ancje in espressions o in rispuestis li che si pant dubi:
là, in tribunâl, al dipent: se une robe le fasin saltâ fûr, e risulte, e se invezit a rivin a platâle, no risulte (Riedo Pup, I furlans e i pecjâts);
"Vâstu a fâ un zîr in mont domenie?" "Al dipent: viodìn ce timp che al sarà"
-
v.intr.
vê bisugne di cdn. o di alc, jessi intune situazion psicologjiche, economiche e v.i. no autonome:
[la mari invalide di Rufine] e dipendeve di jê tant che un frut piçul (Franca Mainardis, Il sium di Lissandri)
-
intune ativitât o intun rapuart di lavôr, jessi sot di cdn. che al decît, che al è responsabil o che al paie tant che lavoradôr:
za timp in cheste glesie al jere un vicjari curât, che al dipendeve dal plevan de vile disot (Josef Marchet, Lis predicjis dal muini);
cheste volte al veve cjatât pardabon il so lavôr, no par une setemane o dôs, ma par simpri, un lavôr che i plaseve, e cence dipendi di nissun (Carlo Sgorlon, Prime di sere)
-
v.intr.
[TS]
gram.
jessi in rapuart di subordenazion sintatiche
Proverbis:
- l'om laboriôs nol dipent di nissun, al è libar; l'om poltron al è sogjet a ducj, al è sclâf