dîs
dîs
[FO]
-
s.m.
numar naturâl che al ven daspò dal nûf e prin dal undis e simbul che lu rapresente:
sot de tabeline dal cinc o dal dîs (Alessio Screm, Inovâi musicâi par un an di rinassitis e di riscuviertis)
Var. deis
-
adi.num., pron.num.
in numar di nûf plui un:
[te narazion de Odissee] si disglagne la storie di dîs agns di viaçs e ancje di episodis de vuere di Troie (Sandri Carrozzo, Pierluigi Visintin, Jentrade de Odissee);
a vevin bisugne di spachepieris, e lui al è lât a spacâlis […]. Dîs oris in dì di lavôr par trê e cuarante in dì (Meni Ucel, Ideis)
-
dopo di un sostantîf, massime dopo di un non propri, al pues valê di ordenâl:
il secul dîs dopo di Crist
Sin. decim
-
ancje par formâ locuzions che a segnin multiplis o numars componûts:
si sint cjacarâ di dîs, dodis mil puars diaui strissinâts e fracâts lenti là [tal cjamp di concentrament] (Ivano Urli, Storie di Vera)
-
adi.num., pron.num.
ancje cence determinazion precise, in grant numar:
il vecjo le veve domandade almancul dîs voltis e dîs voltis jê i veve rispuindût (Pieri Menis, Si disarès che e je inventade);
Maša e Marko, fruts cravuats, i plui vîfs di chel arc di rive, a svuataravin te aghe dîs voltis in dì (Agnul di Spere, Int no consumade)
Sin. vincj
, trente
, cent1
, mil
, milante
-
s.m.
soredut tal pl., decime dì di un mês:
da pît dal poeme, par jenfri di dôs strichis orizontâls, e je la scrite «Ultimade i dîs di Avost 1864» (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
Sin. diesim
-
decim an di un secul:
dal dîs [1910] al è ancje Travaglia Adriano. Al ven di Cavedine di Trento (Ivano Urli, Storie di Min)
-
s.f.pl., adi.
decime ore dal dì, dôs oris prin di misdì:
al sintì a bati lis oris sul tor: aes dîs al veve di cjatâsi in citât là dal nodâr (Pieri Somede dai Marcs, La braide)
Sin. dîs di matine
-
decime ore dopo di misdì:
partint sul lâ a mont dal soreli, pes dîs a podevin jessi te cove (Pieri Menis, Tal bosc di Kebespok);
Nûf, dîs oris di sere. E ven jù la gnot e al è dibot scûr rampit (Ivano Urli, Storie di Min)
Sin. dîs di sere
, dîs di gnot
-
s.m.
vôt scolastic che al è il massim:
cjapâ dîs tal compit in classe
-
s.m.
cjarte di zûc, soredut des cjartis francesis, cul numar dîs:
pescjâ il dîs di cûr
Polirematichis e espressions idiomatichis
Proverbis:
- ducj i mês no son di trente dîs
- dulà che a vivin nûf a vivin ancje dîs
- dutis lis maraveis a durin trê dîs
- la sagre dai amîs a dure cuindis dîs
- miôr un uciel in man che no dîs sul arbul
- o ai dîs dêts tes mans e se mi tai il plui piçul, mi dûl
- ogni marcjât al dure trê dîs
- un pari al manten dîs fîs, dîs fîs no son bogns nancje di mantignî une mari
- un pari al nudrìs dîs fîs e dîs fis no son bogns di mantignî il pari