vincj
vincj
[FO]
-
s.m.
numar che al corispuint a dôs desenis e segn che lu rapresente:
il cinc tal vincj al sta cuatri voltis
-
adi.num., pron.num.
in cuantitât di dôs desenis, ancje cun valôr sostantivât o cun sostantîf sotintindût:
vincj chilos di farine di polente (Pieri Somede dai Marcs, L'avocat e la luianie);
li dal Cret, a Biliris, a jerin in vincj di lôr in famee (Meni Ucel, Justizie)
-
adi.num., s.m.
ancje cun valôr di ordenâl o identificatîf intune serie o intune categorie:
autôrs dal inizi dal secul vincj (AAVV, Eduka 2. Leterature a contat)
Sin. vincjesim
-
adi.num., pron.num.
cun valôr indefinît, al sta par une grande o piçule cuantitât secont il contest:
e po… - gjambis puartaitmi! - vie pal scûr de gnot, che mi pareve di vê dismote dute la cjase e che vincj di lôr mi coressin daûr (Pieri Menis, La gjaline robade);
«Scometìn che lui nol à vincj francs te sachete!» (Alan Brusini, Par stradis lungjis)
-
s.m., s.m.pl.
vincjesime dì dal mês:
une altre propueste e rivà ai 20 di Fevrâr di un trop di eurodeputâts dal grup popolâr (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât);
la bandiere le metevin fûr cun pompe cuatri voltis al an: il dì de sagre, la prime domenie di Jugn, fieste dal Statût, il vincjenûf di Lui, pe muart di Umberto I, e il vincj di Setembar (Pieri Menis, Chei di Muraie)
-
s.m.
vincjesim an di un secul:
mi displâs di no vêlu cognossût, che al è muart intal vincj, a cincuantedoi agns (Gianni Gregoricchio, Trê feminis)
-
i agns che a van dal vincj al vincjenûf di ogni secul:
tal 1928 fondât il National Party of Scotland, là che a confluissin plusôrs grops formâts tai prins agns vincj (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
s.f.pl.
dome in espressions formâls, otave ore dopo di misdì:
il cors al tacarà martars ai 06 di Avrîl […] a lis 20.00 (Aministrazion Publiche, Comunicât - Cors furlan 2010 Vierte)
Sin. vot
, vot di sere
Proverbis:
- cuant che di vincj no 'nd è, cuant che di trente no 'nd à, di cuarante no si po sperâ
- se il mus nol à fat la code di vincj agns, no le fâs plui
- un mus di vincj agns al è plui vecjo di un om di setante