vot
/-ò-/
vot
[FO]
-
s.m.
numar naturâl che al ven daspò dal siet e prime dal nûf e segn che lu rapresente:
siet e vot cuindis (Zuan Nazzi Matalon, Marilenghe gramatiche furlane);
"Sîs" "Siet" "Vot" "More" "El pont l'è mio!" (Dolfo Zorzut, Se la prime mi cjoleve)
-
adi.num., pron.num.
in cuantitât di siet unitâts plui une, ancje cun valôr sostantivât o cun sostantîf sotintindût:
la Bete i da un «mandi» tant che al ves di tornâ doi dîs dopo, là che invezit al sarès tornât vot mês dopo (Meni Ucel, Rosaris);
al vûl dî che o sarìn in vot o in dîs a mangjâ (Jaio Furlanâr, I grumâi di agne Lene);
La scachiere e je une taule cuadrade cun vot caselis par bande, in dut 64 (Nilde Teresa Negro, Zuìn di scacs)
-
adi.num., s.m.
ancje cun valôr di ordenâl o identificatîf intune serie o intune categorie:
Gira [Girardengo] al à vinçude la gare, il Lôf al è rivât " il vot" come che al diseve lui (Alan Brusini, I coridôrs di Tresesin)
Sin. otâf
-
s.m., s.m.pl.
otave zornade dal mês:
a van a Deinice intune vecje casermete taliane molade dai fassiscj cul vot di Setembar (Ivano Urli, Storie di Min)
-
s.m.
otâf an intun secul:
i fruts plui dispatussâts, un sîs di lôr, che a jerin dal 1905, dal Siet, dal Vot (Alan Brusini, Come tai romançs)
-
s.m.
vôt scolastic che al pant une buine valutazion:
cjapâ vot tal compit in classe
-
s.m.
cjarte di zûc contrassegnade cul numar vot o cun vot elements
-
s.f.pl.
otave ore dopo di miezegnot:
al partive di Talmassons une vore adore par jessi in citât prin des vot (Angelo Covazzi, I dincj)
Sin. vot di matine
, vot a buniore
, vot di buinore
-
otave ore dopo di misdì:
e ven ca di me ogni sere tor lis vot (Checo Tam, Sic transit gloria mundi)
Sin. vincj
, vot di sere
, vot sore sere
, vot sot sere
-
adi.inv.
in indicazions di timp, te stesse zornade, ma une setemane dopo:
"A riviodisi a vuê vot" (Angelo Covazzi, Il dint);
"O tornarai vuê vot che prime no pues" (Popolâr - Andreina Nicoloso Ciceri, Pipeta Sclagarot - Racconti popolari friulani I);
«Cuant ese che i tu si maridi?» «Sabida vot.» (Novella Cantarutti, Paron Salvadi);
«Domenie e je sagre a Magnan; vâstu a sagre a Magnan?» […] «E domenie cu ven vot e je sagre a Bueriis […]» (Meni Ucel, Misure)
-
te stesse zornade, ma une setemane prime:
ju àn viodûts a balâ il ponte e tac, domenie stât vot (Maria Forte, Mabile la Lunghine)
Polirematichis e espressions idiomatichis
Proverbis:
- l'amôr propri al mûr vot dîs daspò di un galantom
- se nol cjante ai siet o ai vot, o che al è muart o che al è cuot
