Dizionari de Lenghe Furlane

cent¹  /-è-/  cent  [FO]

1. adi.num., pron.num., s.m. numar che al corispuint a dîs voltis dîs:  Toni Verze, dopo i cent [agns], a cui che i domandave cemût che e va i rispuindeve: "O sin ca fantat, che o lin viers i dusinte!" (Alan Brusini, Amîs come prime); par chel che o sai jo, a son par rivâ a Sant Denêl un cent soldâts dal reziment «Re Guglielmo», mandâts ca di Udin cun cuarante cuesturots (Alviero Negro, Int di masnade); bisugne jessi sigûrs di vê une grande risierve di «savê»: savê «al cent» par podê infidâsi di fevelâ «al dîs» (Riedo Pup, I furlans e il fevelâ)
   
   1. ancje in numars componûts:  tal 1983 a son cuasi cent mil chei che a firmin une petizion a pro de Regjon Friûl (Max Mauro, Un Friûl difarent: i 90 mhz di Onde Furlane); [l'orghin de glesie di Hochwort] si sintivilu za lant sù pe scjalinade di cent e cuarante scjalins (Pieri Menis, Il burlaç)
2. adi. daûr dal sost. cun valôr di num.ord., centesim:  l'articul cent de costituzion
   Sin. centesim , numar cent
3. s.m.pl. [CO, TS] sport inte atletiche e tal nadâ, competizion de distance di cent metris:  cori i cent in dîs seconts
   Sin. cent metris plans , cent metris
4. adi., pron., s.m. numar une vore grant ma no determinât:  Toful al spacave par aiar il so cjapelat di cent agns (Dino Virgili, La aghe da pît la cleve); o ai dovût messedâmi fra cent di lôr par jentrâ (Pieri Somede dai Marcs, O sielç lis stelis); lis monts dulintor a vevin butât fûr fûc cence soste de bocje di cent canons (Pieri Menis, Funerâl a Pâl Piçul)
   Sin. mil , milante , cent mil

Polirematichis e espressions idiomatichis

• par cent loc.av., loc.adi.inv., loc.s.m.
• sudâ cent cjamesis loc.v.

Proverbis:

• a robâi a un ladron, a son cent agns di perdon
• al vâl plui un a fâ che no cent a comandâ
• al vâl plui un amì che no cent parincj
• al vâl plui un lusôr denant che no cent daûr
• al vâl plui un uciel in man che no cent par aiar
• ce che nol nas in cent agns, al nas in un
• cent a ti e une a mi
• cent al jeur e une al cjaçadôr
• cent mistîrs e mil miseriis
• cent mistîrs, nissun di bon
• cent oris di malinconie no pain un centesim di debit
• cent patìs par un
• cent pinsîrs no pain un debit
• cent pinsîrs no pain un solt
• cui che al compre al à bisugne di cent voi, cui che al vent i 'nd baste un
• cui che al fâs une bausie si impegne a fânt cent
• cun cent bausiis si va in paradîs
• di ca a cent agns al vâl tant il lin che la stope
• e tire plui la naie che no cent pâr di bûs
• e tire plui la nape che no cent pâr di bûs
• e vâl plui une ore di ben che no cent di mâl
• e vâl plui une ore di ligrie che no cent di malinconie
• in cent agns e cent dîs la aghe a torne ai siei paîs
• in cent mil par un fasan a àn la cane pronte in man
• in timp di vuere di cent une di vere
• lune sabidine di cent une buine
• miôr un aiût che no cent conseis
• miôr une robe fate che no cent di fâsi
• nissun ben e nissun mâl nol dure cent agns
• nissun mâl nol dure cent agns
• par une dì di ligrie si 'nd à cent di malinconie
• par vendi al baste un voli, par comprâ no 'nd bastin cent
• passe un, passe cent
• ros di mâl pêl cent diaui par cjavêl
• Sante Catarine cent gjambars par tanine
• se il Signôr al siere une puarte, ind vierç cent
• un al fâs mâl a cent
• un mat al fâs mateâ cent savis
• un mat ind fâs cent
• un pari al manten cent fis, ma cent fis no rivin a mantignî un pari
• un pecjât fat int une ore, in cent agns no si ripare
• une ind paie cent