Dizionari de Lenghe Furlane

mil  mil  [FO]

1. s.m. numar che al corispuint a dîs centenârs e segn che al rapresente chel numar
2. adi.num., pron.num., s.m. in cuantitât di dîs centenârs, ancje cun valôr sostantivât o cun sostantîf sotintindût:  tal cors dai agns a son stadis plui di mil lis produzions sburtadis dal Premi Friûl inte leterature, inte musiche, intes arts visivis (Max Mauro, Un Friûl difarent: i 90 mhz di Onde Furlane); al poià cuatri cjartis di mil su la taule, e la femine si suià lis mans tal grumâl par cjapâ sù i bêçs e metiju te vetrine (Carlo Sgorlon, Prime di sere)
   
   1. ancje tant che component di numars:  pre Zaneto, ven a stâi pre Giovanni Schiff, innomenât predi poete che al scrivè passe 100 mil viers (Erika Adami, Emigrants a pro dai zovins); o vin tacât cun sîs mil butiliis fin a rivâ aes setantesîs mil che o produsìn in dì di vuê (Redazion il Diari, Il paleontolic dal vin furlan)
   2. adi.num., s.m. ancje cun valôr di ordenâl o identificatîf intune serie o intune categorie
      Sin. milesim
3. adi.num., pron.num. (fig.) in grant numar, in grande cuantitât:  une cu la altre si fasevin mil compliments (Franca Mainardis, Un bosc cence colôrs); i sbisiavin tal cjâf mil domandis su chel gnûf vicin di cjase (Antescûr, L'om misteriôs); ancje mê mari e à simpri mil di fâ e no je mai sentade (AAVV, Sul florî)
   Sin. cent¹ , milante
4. s.m. spec. cun iniz. maiusc., ultin an dal diesim secul:  lis crepaduris e lis roturis dentri de Glesie di Ocident catoliche a […] scomençarin daspò dal Mil e a sbocjarin tes tantis Riformis dal 1500 (Adrian Cescje, Viaç aes origjins dal Logos); a son i patriarcjis dal Mil incà che a àn creât il nestri popul. A son lôr che nus àn dade la nestre origjinalitât di vivi, di fevelâ e di preâ (Francesc Placerean, La glesie di Aquilee e je stade une mari che nus à fats nassi e cressi come popul)
   
   1. spec. cun iniz. maiusc., il secul diesim prin:  la vile Marangoni Masolini e je in centri in paîs, pôc lontan dai grancj glereâi dal Tiliment, sul lûc dulà che tai prins agns dal mil al jere un convent (Aministrazion Publiche, Sant Durì - Vile Marangoni Masolini)
5. s.m.pl. [TS] sport competizion di atletiche, corse di lungjece di mil metris
6. s.m.pl. [TS] stor. compagnie di plui o mancul mil garibaldins impegnâts tal 1860 cuintri dal Ream des Dôs Siciliis:  la Italie no po sacrificâ la ereditât dal Risorziment e la grande epopee dai "Mil" par fâ diferencis tra regjon e regjon (Josef Marchet, Censiment)

Polirematichis e espressions idiomatichis

• di mil colôrs loc.adi.inv.
• spietâ cun mil mans loc.v.
• vê mil voi loc.v.

Proverbis:

• cent mistîrs e mil miseriis
• cui che al à robât une lire, al podarà robânt mil
• cui che al scjampe un pont, ind scjampe mil
• di un fal ind nas mil
• di un fat ind nas mil
• in cent mil par un fasan a àn la cane pronte in man
• mil fastidis no pain un debit
• si cjape plui moscjis cuntune tace di mil, che no cuntune bote di asêt