trente
/-èn-/
tren|te
[FO]
-
s.m.
numar che al corispuint a trê desenis e segn che lu rapresente
-
adi.num., pron.num.
in cuantitât di trê desenis, ancje cun valôr sostantivât o cun sostantîf sotintindût:
o vin metût sù un gasthaus bessôi dongje il cantîr di une firme. Il lavôr, frutats, che o vevin là sù! Lavôr par trente di lôr! (Alan Brusini, Un om di mont);
sun dîs mil francs di sigurât a son sù e jù trente francs ad an di paiâ (Dino Virgili, La aghe da pît la cleve);
messaçs publicitaris che a durin dai trente seconts al minût (Max Mauro, Un Friûl difarent: i 90 mhz di Onde Furlane)
-
adi.num., s.m.
ancje cun valôr di ordenâl o identificatîf intune serie o intune categorie
Sin. trentesim
-
adi.num., pron.num.
(fig.)
in cuantitât aprossimative, in gjenar in cuantitât grande:
e cun trenta polmons mi tocjarà berlâ (Giorgio Ferigo, Rondò)
-
s.m., s.m.pl.
trentesim dì dal mês:
intal Babij Jar, une bassure bandis di Kijev, il vincjenûf e trente Setembar dal cuaranteun, la Esseesse e cope passe trente mil di lôr (Ivano Urli, Storie di Vera);
ai 30 di Lui dal 1509 i contadins a dan l'assalt al cjistiel di Sterp e a fasin presonîr Nicolò di Colorêt e i siei oms (Carli Pup, Il Friûl de Joibe Grasse dal 1511)
-
s.m.
trentesim an di un secul:
la storie nus dîs che za intor dal trente / l'à scomençât a fâ il pan par smenteâ la polente (Giorgio Micoli, Il for)
-
tierç deceni di un secul, massime cun riferiment al secul vincj:
a pre Zaneto i tocjà, tai agns Trente, par vie des leçs fassistis che a improibivin di doprâ i dialets, di no podê scrivi par tancj agns poesiis te sô lenghe mari (Roberto Iacovissi, Pre Zaneto)
-
s.m.
[TS]
scol.
vôt plui alt che si pues cjapâ tun esam universitari:
al à cjapât trente tal esam di idrauliche (Federico Vicario, Vocabolari furlan)
Proverbis:
- cuant che di vincj no 'nd è, cuant che di trente no 'nd à, di cuarante no si po sperâ
- cuant che il mus nol à fate la code di trente agns, no le fâs altri
- cui che al mangje in pîts al mangje par sîs, cui che al mangje in sente al mangje par trente
- ducj i mês no son di trente dîs
- fat il trente si po fâ ancje il trenteun
- il mus che nol à fat la code di trente agns no le fâs plui
