consultâ
con|sul|tâ
[CO]
-
v.tr.
domandâi a cdn. un consei, une opinion, une rispueste, une disponibilitât, une soluzion e v.i.:
[lis trê cugnadis] cumò e vignivin a consultâ la viele pes facendis di cjase, mo cumò a fâsi insegnâ lis pratichis de famee (Catarine Percude, La brût);
[il sindic] al veve za dâts in man i lavôrs al impresari e al veve za consultât pal bust dal cont un artist di Vignesie (Dino Virgili, La aghe da pît la cleve);
ne l'è un strolic ca jù che al pâr di me / vebi man cu la Lune e cul Soreli: / tant l'è vêr che unmoncj vegnin da lontan / par consultâ il famôs Strolic Furlan (Pieri Çorut, Pronostic par l'an 1836)
Sin. domandâ
, interogâ
, interpelâ
, sintî
-
v.tr.
lei, passâ documents o sim. par cirî une informazion, une notizie e sim.:
chescj nons [fricandò e fricò] a son stâts doprâts cuntune cierte gjenericitât, cemût che si pues viodi tal venezian, consultant il so dizionari plui innomenât, chel di Giuseppe Boerio (Sandri Carrozzo, Frico un plat furlan cuntun non di origjin foreste);
par ogni altre informazion si pues consultâ il sît uficiâl dal festival (Fabian Ros, E Udin e devente la capitâl dal lontan Orient)
Sin. cjalâ
Cfr. spulçâ
, spulzinâ
, lei
, passâ
, esaminâ
, scrusignâ
-
lei un libri di une biblioteche cence puartâlu fûr dai siei ambients:
fintremai ai agns '80 i manuscrits no si podeve consultâju. Cumò, al incontrari, la direzion de biblioteche e prudele il studi dai fonts (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)