domandâ
do|man|dâ
[FO]
-
v.tr.
fevelâ o comunicâ cun cualchidun par vê alc:
no stâ domandâmi bêçs che no 'nd ai (Pieri Somede dai Marcs, Vilie di Nadâl (teatri));
jo o vevi premure di tacâ il lavôr e i domandavi se o podevi vê lis planimetriis che a mi servivin (Alan Brusini, Gian Paolo Linda, I forescj);
une dì Crist si è fermât ad ôr di un poç a domandâi di bevi a une biade femine samaritane (Antoni Beline, Sant Jacum, là che al finìs il mont)
Var. domundâ
, damondâ
-
v.tr., v.intr.
fevelâ o comunicâ cun cualchidun par savê:
ducj a domandâi se e veve fat bon viaç (Maria Forte, Cjase di Dalban);
mi domandà di dulà che o vignivi (Fabian Ros, Eivissa mon amour);
sul cjanton de glesie o domandìn la strade plui curte par lâ in place a une vuardie cul elm, sable e revolvar (Arturo Feruglio, Viaç a Vignesie);
"Ce biel dissen! Cui lu aial fat?" o ai domandât (Checo Tam, Don Franziskus e Iskander)
-
v.tr.
(ass.)
spietâ di otignî un ciert risultât di se stes o di chei altris o di robis:
e je une machine vecje, no si pues domandâi masse
Sin. pretindi
, volê1
-
v.tr.
di alc, vê dibisugne:
[par fâ il vueit] l'ûs de pompe […] al domandave une vore di oris e chest nol permeteve di fâ front ae domande di lampadinis eletrichis (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
Sin. coventâ
, vê dibisugne
-
v.tr.
volê vê in compens di une marcjanzie o di une prestazion professionâl:
e je la none a metilu li dal dotôr Gozzi, che par un an intîr di pension al domande 24 zechins, che a podaressin sei plui o mancul un 2.400 euros di cumò (Pierluigi Visintin, Friûl e furlans te Histoire de ma vie di Giacomo Casanova)
Sin. volê1
, cjapâ
, volê vê
-
v.intr.
domandâ informazions su alc o cdn.:
cumò e domandave di un, cumò di chel altri, e veve di savê ducj i matrimonis, dutis lis nassitis, e cemût che si puartave chê brût, e cemût chê gnece o chê prognece (Catarine Percude, La mulinarie)
-
volê fevelâ cun cdn., soredut al telefon:
[l'ispetôr Begot] al domandà dal diretôr. Al veve chê di fâsi contâ par fîl e par pont la dinamiche de robarie (Fabian Ros, La rambe)
-
v.tr.
cirî di vê il permès o il consintiment di maridâ o par inviâ une relazion sentimentâl:
lu à tornât a viodi dopo sîs mês, cuant che al è vignût a cjatâ so pari par domandâi di maridâle (Cristina Noacco, Faliscjis);
le ai domandade di sabide / se e vûl fâ l'amôr cun me / e à vût cûr di rispuindimi: / no, no lafè (Popolâr, Le ai domandade di sabide)
Proverbis:
- amôr nol domande ni pan ni polente
- cul domandâ paron si va a Rome
- cul domandâ paron si va pardut, fûr che te lune
- cul domandâ si impare
- domandâ al è lecit, rispuindi e je cortesanie
- domandâ al è lecit, rispuindi e je cortesie
- domandâ al è mieç savê
- il lôf no i domande al pastôr che i dei lis pioris
- il mistîr nol domande pan
- la vore fate ben nissun domande cetant timp che si à stât a fâle
- no bisugne domandâi al ostîr se il vin al è bon
- tante vergogne a domandâ che a neâ