pretindi
/-tìn-/
pre|tin|di
[FO]
-
v.tr.
volê cun fuarce, sedi a reson che a tuart, cence jessi disponibil a rinunziâ:
ta cheste tiere a vivin altris comunitâts etnichis che nus vierzin un barcon sore la Europe: i Slovens e i Todescs. Par lôr, come par noaltris, o domandarìn e o pretindarìn i stes dirits (Adrian Cescje, Memoriis di politiche linguistiche);
sbregots che a pene che a àn finît di studiâ a pretindin di cjapâ milions (Pieri Somede dai Marcs, Un pugn di moscjis)
Sin. volê1
, domandâ
, esizi
, riclamâ
Var. pratindi
-
spietâsi di chei altris, o ancje di se stes:
us auguri […] che o vedis la gracie di no pretindi masse un di chel altri, ma di jessi bogns di sopuartâsi (Francesc Placerean, Cuant che tal matrimoni al è l'amôr cristian, li al è verementri Diu);
creature, cemût pretindi che a trê agns al ves il sintiment di capî il mâl e il ben? (Gianni Gregoricchio, Trê feminis)
-
(ass.)
vê esigjencis altis:
ducj a pretindin, ducj a vuelin jessi servîts i prins se no ti fasin tant di muse (Pieri Somede dai Marcs, Une scarpute);
no voleve che [la fie] e ves cjolt un puaret cun chê muse alì. E podeve pretindi, no mo (Maria Forte, Dome la cjampanute di Sant Bortul)
-
v.tr.
dî o pensâ alc di no dimostrât o ancje di esagjerât o impussibil:
si po rivâ a dineâ la lûs dal dì, cun dute la ande di cui che al pretint di jessi crodût (Josef Marchet, La unitât cuintri la unitât);
o pretindìn di jessi ancje cristians, o vin inmaneât une teolighe speciâl par meti a puest la cussience, precisant che, cualchi volte, il prossim al va copât, ma cence odi (Riedo Pup, I furlans e la religjon)
Sin. contindi
, spietâsi
, volê1
Proverbis:
- cui che al pretint di savê plui, al sa mancul
- nissun nol à di dî ce che si pretint che al sei tasût dai altris