lei
/-è-/
lei
[FO]
-
v.tr.
(ancje ass.)
cjalâ un test scrit, ricognossint lis peraulis che al rapresente e, in câs, pronunziantlis:
la mestrute e à un nevodut di trê agns che al sa lei bielzà sul silabari (Josef Marchet, Lis predicjis dal muini);
su la puarte la tabele e mancje di cualchi lampadine, ma si rive a lei "Al Cjaçadôr" (Alan Brusini, Gian Paolo Linda, I forescj)
-
v.tr.
(ancje ass.)
preseâ e praticâ la leture, tant che mieç par imparâ, par passâ il timp e v.i.:
co leeva puisiis e libris che contavin storiis di amôr, a ansava e sustava, e gji vignivin li lagrimis tai voi a sintî contâ la vita di prinsipessis bunis e disfurtunadis, come che in chê volta a si usava a scrivi (Ugo Pellis, Catinuta);
Laurinç si metè a lei. Al tirà fûr de borse un romanç e si metè a lei (Agnul di Spere, In viaç di domenie);
il gjornâl lu leieve trê voltis, che no i someave vêr, po lu butave tal fûc come par scancelâ la veretât (Alan Brusini, Come tai romançs)
-
v.tr.
(fig.)
capî, interpretâ intune cierte maniere un test, o ancje une altre opare di art o ancje cualsisei altre robe o fenomen:
al jere un che al leieve la storie in profonditât, cirint plui la vene là che al scoreve il sanc che no i singui fats e episodis (Gian Carlo Menis, Pre Checo e la storie);
lei il codiç descritîf di là de prime rapresentazion esteriôr [dai mosaics de basiliche di Aquilee] e par capî i significâts alegorics plui profonts che i stan sot (Giovanni Battauz, Flavio Cossar, Renato Iacumin, I mosaics de basiliche di Aquilee);
da la organizazion dal spazi si pues lei tal lâ dai secui la storie e la evoluzion dal teritori (Rino Gubiani, Studi da la evoluzion dal paisaç mediant i toponims)
-
v.tr.
(fig.)
intuî riflessions e intenzions o sintiments:
Eve e jere persuadude che Vitôr al capive la sô piture come se al rivàs a lei dentri di jê (Carlo Sgorlon, Ombris tal infinît);
Tite al pative, e si podeve leii la pene su la muse (Gianni Gregoricchio, Trê feminis)
Sin. induvinâ
, intuî
, previodi
-
v.tr.
[CO, TS]
tecn.
cjapâ sù i dats che a comparissin tun strument di misure:
cuant che a riva la boleta, a si necuars che i mi soi sbaliât tal lei il contatôr (Alberto Luchini, Uchì)
-
v.tr.
[TS]
inform.
prelevâ dâts di une unitât di memorie par viodiju e po elaborâju o trasferîju:
impussibil lei regjistris di sisteme (Fabio Tomat, Polari)
-
v.tr.
sielzi:
Jo ti ai cjolte puarete / cun sperance di vê pâs, / vulintîr cussì ti ai lete / ma chê lenghe mai no tâs (Ermes di Colorêt, II, 64)
Sin. lei fûr
, sielzi
, selezionâ
Proverbis:
- ce che al è scrit, si leilu
- cui che nol sa lei la sô scriture al è un mus par nature
- lei e no capî al come trai e no maçâ
- lei libris vieris, bevi vin neri, lâ cun feminis che no son zovinis
- vuarditi di chel che al lei suntun sôl libri