cloteâ
clo|te|â
[CO]
-
v.intr.
cjaminâ stuart, cence stabilitât o fâ fature a stâ in pîts:
[il muini çuet] al dave une grant soflade ae cjandele tant che al ves vût di studâ un pignarûl, e po vie in sagristie cloteant, a disvistî pre Stiefin (Meni Ucel, Messe a straoris);
tal bearç soreglât a scraçolavin gjalinis, a cloteavin dindiats e ocats (Dino Virgili, La aghe da pît la cleve)
Sin. balâ
, clupignâ
, pendolâ
, triculâ
, zighiâ
, clopâ
, çueteâ
-
(ancje fig.)
ancje di robis o struturis o ancje concets, ideis, situazions e v.i., no vê stabilitât o funzionâ in maniere iregolâr:
E jere une cjadree viere cu lis gjambis che a cloteavin (Lucio Perès, Sorestants);
cirî di cjariâ lis batariis e dreçâ un pôc il cloteâ de salût (Alberto Picotti, Pal mont);
la so virtût za e cloteave… (Ercole Carletti, Clâr di lune)
-
v.intr.
(fig.)
no jessi sigûr, pierdi timp tune sielte o ancje pierdi timp in gjenerâl:
sù, distrighiti! no stâ a cloteâ tant (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. bagolâ
, palotâ
, balinâ
, tichignâ
, cencenâ
, clopâ
, cincuantâ
, dindinâ
, esitâ
, bibiâ
-
v.tr.
movi di une bande e di chê altre:
al è vignût al president da republica […] par discreâ colôrs e bieli peraulis. Cloteant al cjâf senza fâsi viodi, i umins lis clamavin fotis (Celso Macôr, Cuintristoria da bataia da Tor)
Sin. pendolâ
, niçâ
, niçulâ